Hafa Baugsmenn efni á að kalla aðra menn óheilbrigða ?

Ættarhöfðingi Baugsmanna,Jóhannes,notar stór orð um ráðningu Davíðs, sem ritstjóra Moggans. Talar Jóhannes um Davíð sem óheilbrigðan mann og efast um trúverðugleika Morgunblaðsins eftir þetta.

Miðað við það sem á undan er gengið er ekki hægt annað en hneykslast upp fyrir haus á ummælum Jóhannesar. Hafa Baugsmenn unnið þannig á undanförnum árum að þeir hafi efni á að kalla aðra óheilbrigða.

Ég held að fáir séu þeir sem telja að Baugsmiðlarnir hafi ekki verið notaðir á fullu í þágu Baugsveldisins. Sama má segja um skósveinablaðið DV.

Þjóðin þarf að taka á sig miklar byrðar vegna útrásar og bankastarfsemi Jóns Ásgeirs og hans fólks,þannig að þeir ættu að fara varlega í að kalla aðra menn óheilbrigða. Ég held að svona orðanotkun geti hitt þá sjálfa ansi illa.

En svo er það kannski eðlilegt að Baugsmenn fari úr sambandi við þá tilhugsun að nú sé Davíð kominn í þá aðstöðu að geta fjallað um atburði síðustu mánaða í einum stærsta fjölmiðli landsins. Eflaust grunar þá að þeir muni koma þar eitthvað við sögu.

Athugasemdir

[Halldóra (IP-tala skráð) 25.9.2009 kl. 18:28]

Það er auðvitað klassík sem þú tekur þér fyrir hendur - að verja vondan málstað með því að benda á annan verri.