Skattastefna Vinstri stjórnar hækkar húsnæðislán um 13 milljarða.

Er eitthvað vit í skattastefnu Vinstri stjórnarinnar,sem kemur til með að hækka húsnæðislán um 13 milljarða við gildistöku. Var þetta Skjaldborgin um heimilin sem Jóhanna verkestjóri átti við.?

Hvers vegna að kollvarpa einföldu skattakerfi í flókið,sem leiða mun til eftiráskatta hjá tugum þúsunda.Hver er eiginlega tilgangurinn með því að flækja málin.

Hærri skattar hækka lánin um 13,4 milljarða

Athugasemdir

[Jón Óskarsson, 18.12.2009 kl. 13:38]

Ég vísa í fyrri skrif mín um það hvernig vinstri stjórnin er að rústa tekjuskattskerfinu algjörlega.  Það munu nánast allir skattgreiðendur fá afar flókna álagningarseðla í hendur sumarið 2011 og lenda að meira eða minna leiti í eftirásköttum eða í það minnsta miklum leiðréttingum.

Síðan eru flestar aðrar skattatillögur að fara beint út í verðlagið og viðhalda hér hárri verðbólgu með tilheyrandi hækkun á vísitölu sem eykur vaxtabyrðina auk þess sem það kemur í veg fyrir lækkun nafnvaxta. 

Eina skjaldborgin sem reist hefur verið er utan um bankana og lánveitendur en ekki heimilin og hinn almenna skuldsetta borgara.

[Marinó G. Njálsson, 18.12.2009 kl. 19:19]

Ég tek undir að lítið hefur farið fyrir skjaldborg um heimilin.  Hitt er annað mál, að það hefur ekki skipt máli hver ríkisstjórnin hefur verið, allar skattahækkanir hafa ratað inn í lán heimilanna.  Þar er verðtryggingunni um að kenna, ekki sköttunum.  Hagsmunasamtök heimilanna vilja þess vegna fá 4% þak á verðbætur sem síðar myndi lækka uns verðbætur verði hugsanlega lagðar af.  Lagt hefur verið fram frumvarp á Alþingi um þetta efni, en það situr fast í viðskiptanefnd.  Þetta er í annað, ef ekki þriðja sinn, sem þetta frumvarp er lagt fram.  Fjármálastofnanir vilja ekki sjá þessa breytingu, þar sem þær byggja afkomu sína meðal á þessum sjálfvirku, breytilegu vöxtum.  Eins og segir í fréttatilkynningunni, þá er verðtryggingin/verðbæturnar eins og fíkniefni fíkilsins og hann verður bara að fara í meðferð.  Svo einfalt er það.