Vinstri grænir. Á ekki allt að vera upp á borði?

Ætla kjósendur virkilega að kjósa yfir sig vinstri stjórn án þess að fá svör við veigamiklum spurningum. Hvað þýðir t.d. það sem Vinstri grænir kalla hátekjuskatt og sanngjarnar skattahækkanir. Auðvitað er það réttmæt krafa að VG birti sinn útreikning þanni8g að kjósendur geti séð við hvað á að miða.Kjósendur mega ekki koma VG upp með það að ætla að þegja um svo mikilvægt mál fram yfir kosningar. Er þetta ekki flokkurinn sem segir að allt eigi að vera upp á borði.

Annars er það alveg með ólíkindum ef Vinstri flokkarnir halda að hægt sé að leysa vandamálin með því að hækka skatta á heimilum landsins. Það leysir ekki vandann svo mikið er víst.

Fær ekki útreikning á hátekjuskatti

Athugasemdir

[Gústaf Gústafsson, 15.4.2009 kl. 12:23]

Sæll Sigurður!

Það er nú bara svo að VG er eini flokkurinn sem hefur sett á borðið hvaða aðferðafræði þeir leggja til, þ.e. blönduð aðferð með réttlátri skattlagningu, hagræðingu á ýmsum sviðum ríkisfjármála, að koma bönkunum aftur í starfhæft form, og lækkun vaxta (svo fyrirtæki geti starfað), sem og aðgerðir í þágu heimila.

Til þess að aukning starfa geti orðið verður að gera fyrirtækjum kleift að starfa og vaxa, það er fyrsta atriðið og að komið verði til móts við heimilin. Þar þarf að taka á verðtryggingu og vaxtamálum. Þetta hefur VG tilkynnt.

Stjórmálaflokkar búa ekki til störf, þótt ríkið geti um stundarsakir komið að þeim málum, heldur er það kraftur fólksins, en til þess verður að skapa þær aðstæður að það geti orðið og það vill VG gera. En ekki með endalausum álverum. Og það er nú undarlegt að heimta nákvæma útreikninga við þessar aðstæður á öllu því sem VG hefur lagt til, meðan Sjálfstæðismenn er enn að reikna út hvað þeir hafa eytt mörgum klukkustundum í málþófið á Alþingi, en lítið annað lagt til og alls ekkert sem líkist einhverjum útreiknuðum tillögum.

Hvað hafa Sjálfstæðismenn annars sagt? Jú, engar skatthækanir og það virðist vera það eina sem þeir hafa skoðun á, þ.e. hræðslan við hátekjuskatt. Lítið annað hafa þeir lagt til málanna, heldur einhent sér í að koma í veg fyrir að stjórnlagaþing verði að veruleika, þó svo allir sem vilja vita það, viti að það er það sem meirihluti þjóðarinnar vill.

Kveðja að vestan.