Íslenskan er okkar mál.

Furulegt að ætla eingöngu að hafa spurningalistann frá ESB á ensku. Enn erum við sjálfstæð þjóð með okkar eigið tungumál,íslenskuna. Það hlýtur því að eiga að vera sjálfsagður hlutur að allt sem varðar upplýsingar til almennings varðandi ESB á að liggja frammi á íslensku, aðgengilegt fyrir allan almenning.

Auðvitað kostar það fjármuni að láta snara textanum á íslensku. En í þessu tilfelli á ekki að spara nokkrar krónur. Hér er um svo stórt mál að ræða.

Ég er t.d. viss um að Katrín menntamálaráðherra er þessu sammála. Henni fannst nefnilega ekki mikið að eyða 1,2 milljónum í bíóferð til útlanda fyrir sjálfa sig og fylgimann.

ESB-gögn verði birt á íslensku

Athugasemdir

[Umrenningur, 28.9.2009 kl. 17:39]

Það ætti einnig að gera kröfu til þess að Íslenska verði viðurkennd sem opinbert tungumál á Íslandi en við höfum ekki haft opinbert tungumál síðan við fengum fullveldi frá Danaveldi 1918, áður (frá 1904 ef ég man ártalið rétt) höfðum við Dönsku og Íslensku sem opinber tungumál að jöfnu. Þessi aðgerð, að viðurkenna Íslensku sem opinbert tungumál ætti varla að kosta meiri fjárútlát en bíóferð í boði skattgreiðanda.

Íslandi allt.