Er Steingrímur mesta prúðmenni í sögu Alþingis?

Þegar maður sá og heyrði hvernig Steingrímur J. brást við sannleika Jóns Gunnarssonar um tvískynung Steingríms varðandi stóryðju kom upp í hugann. Er Steingrímur J.Sigfússon mesta prúðmenni sem setið hefur á Alþingi?

Auðvitað hefur Steingrímur J. aldrei sagt neitt um nokkurn þingmann. Prúðmennskan og yfirvegun ræður alltaf ríkjum hjá Steingrími. Aldrei myndi Steingrími J. detta í hug að nefna skítadreifara um aðra þingmenn.Aldrei myndi Steingrími J. detta í hug að kalla aðra þingmenn skræfur.

Hvernig dettur mönnum í hug að Steingrímur J. sé með kjördæmapot.Auðvitað er það bara tilviljun að hann syður stóryðju í sínu kjördæmi en ekki í Helguvík. Auðvitað er það í huga Steingríms J. mjög umhverfisvænt að styðja olíuleit ef það er á réttum stað við landið.

Auðvitað var það af hugsjón að Steingrímur J. seldi bankana til vogunarsjóða með miklum afslætti. Hvernig dettur nokkrum manni annað í hug.

Auðvitað var engin pólitík í því að ákæra Geir H.Haarde fyrir Landsdómi. Eins og menn muna var Steingrímur J. grátklökkur yfir að þurfa að gera það.

Hvernig dettur svo nokkrum þingmanni í hug að efast um heilindi Steingríms J.

Auðvitað vita það svo allir að það var Steingrími J. að þakka að nú er verið að aflétta höftunum. Allavega segir Steingrímur J. það sjálfur og enginn þarf þá að efast.

Furðulegt að Bjarni Benediktsson fjármálaráðherra skuli verða að leggja alla þessa vinnu á sig og sína embættismenn fyrst Steingrímur J. var með þetta allt tilbúið.

Auðvitað verða þingmenn að gera sér grein fyrir að það má alls ekki gagnrýna SteingrímJ. Slíkt prúðmenn á að njóta friðhelgi á Alþingi.

 

 

Steingrímur: „Ekki boðlegt“

Skák og mát Steingrímur J. og Árni Páll

Æ óskup er þetta erfitt hjá Steingrími J. og Árna Páli. Á aðeins tveimur árum hefur Bjarna Benediktssyni fjármálaráðherra tekist að vinna þannig að málum að afnám gjaldeyrishafta er í augsýn.Það gerðist ekki á vakt Steingríms J. og Árna Páls. Fyrir liggur að ríkissjóður mun fá milljarða í sinn hlut,þannig að vaxtagreiðslur ríkisins lækka um 35 milljarða.

Það er í sjálfu sér ekki annað hægt en brosa að tilburðum Steingríms J. og Árna Páls um þessar mundir. Þeir félagar eru nú að ereyna að sannfæra þjóðina um að þeir eigi nú eiginlega heiðurinn af þessu öllu.

Sem betur fer er íslenska þjóðin ágætlega upplýst og veit að þessi ágæta niðurstaða er fyrst og fremstr að þakka góðri forystu Bjarna Benediktssonar og hans fólki.

Allar ríkisstjórnirnar gerðu rétt

Er Þórunn að berjast fyrir formennsku í Samfylkingunni?

Sem betur fer eru fleiri og fleiri að sjá að það gengur ekki að fyrrverandi þingmaður,ráðherra og framkvæmdastjóri Samfylkingarinnar sé í forystu samningaviðræðna BHM við ríkið.Málflutningur Þórunnar Sveinbjörnsdóttur er þannig að ekki er að finna neinn sáttatón í hennar orðum. Það er ekkert til í hennar orðaforða að slaka á kröfunum. Allur málflutningurinn gengur út á það að berja á ríkisstjórninni.Allt sanngjarnt fólk sér í gegnum þetta og fordæmir vinnubrögð Þórunnar. Hvers vegna á BHM að fá mun meiri launahækkanir en hinn almenni launamaður?

Hver ætli tilgangur Þórunnar sé með þessum yfirgangi? Getur verið að þetta sé liður í valdabaráttu innan Samfylkingarinnar? Ætlar Þórunn sér stærra hlutskipti innan Samfylkingarinnar? Er hún að reyna með óbilgirni sinni að reyna að sanna eitthvað fyrir trúnaðarmönnum Samfylkingarinnasr?

Það vita allir sem fylgjast með stjórnmálaum að Árni Páll Árnason er búinn að vera sem formaður. Hann lafir núna á einu atkvæði.Helmingur helsu trúnaðarmanna flokksins treystir honum ekki. Það verða því formannaskipti á næstunni í Samfylkingunni.

Það er því eðlilegt að velta því upp hvort Þórunn Sveinbjarnardóttir hafi nú þegar tekið ákvörðun um að stefna á formennsku í Samfylkingunni.Vinnubrögð hennar benda til þess.

Allavega getur forysta hennar í kjarabaráttu BHM ekki stuðlað að hagstæðum samningum fyrir hennar fólk.

 

BHM í verkfalli í tíu vikur

Bjarni er sterki leiðtoginn

Hafi einhver verið í vafa um að Bjarni Benediktsson fjármálaráðherra og formaður Sjálfstæðisflokksins sé hinn sterki leiðtogi í stjórnmálunum hlýtur hann að hafa sannfærst eftir framgöngu hans við afnám haftanna.

Þetta er stórkostlegur árangur,og ánægjulegt að sjá hvernig landslagið mun breytast. Það er gífurlega stórt skref að geta lækkað vaxtagreiðslur um 30-40 milljarða. Það hlýtur að auka svigrúmið til að bæta innviði þjóðfélagsins.

 

Stuðlar að bættum hag almennings

Á hvaða vegferð eru Páll og Þórunn?

Það er ömurlegt að fylgjast með talsmönnum BHM. Það er sama hvað er upp á teningnum. Nei er sagt við öllu.Þolinmæði almennings er á þrotum.Þetta gengur ekki lengur. Eina leiðin fyrir Alþingi er að stoppa þessa vitleysu með lögum. Það er ekki góður kostur en enginn annar er í boði. Páll Halldórsson og Þórunn Sveinbjarnardóttir virðast vera á einhverri allt annarri vegferð heldur en að horfa á það hvað best er fyrir launþegana.Varla er það hagstætt fyrir BHM aðila að verðbólgan fari á fulla ferð og vextir uppúr öllu.

Það er ekki nokkrum manni til góðs ef gengið verður að óhóflegum kröfum BHM. Hvers vegna geta þessir hópar sett sig á háan hest og heimtað meira en aðrir launþegar í landinu eru að fá með nýjum samningum?

„Þessi heimild er til staðar“