Vinstri grænir í stríði.

Þessi vinstri stjórn er með ólíkindum. Samfylkingin og VG mynda ríkisstjórn en þeir skilja ekkert í það hvað ráðherrar hvors flokks gera eða gera ekki hvað þá að þeir skilji hvað ríkisstjórnin í heild gerir.´

Ályktanir og yfirlýsingar fljúga sitt á hvað um samstarfsflokkinn, þar sem allt mögulegt er gagnrýnt.

Það þarf því ekki að koma á óvart að landið sé stjórnlaust.

Nýjasta er að Vinstri grænir vita ekki af því að ríkisstjórnin sem þeir eiga sæti í tekur að fulli þátt í stríðinu í Líbíu. Þessi mál hljóta að hafa verið rædd innan ríkisstjórnar og þingflokka. Miðað við gagnrýnina sem Samfylkingin hafði uppi á sínum tíma varðandi meinta þátttöku Íslands í innrásinni í Írak geturekki verið að Samfylkingin hafi beitt nákvæmlega sömu vinnubrögðum.

Annað hvort hafa ráðherrar og þingmenn VG verið sofandi eða þeir samþykkt þátttöku Íslands í stríðinu í Líbíu.

Vinstri grænir eru í stríði á öllum vígstöðvum.

 

 

Óskiljanleg ályktun um Líbíu

Ekki af baki dottnir. Enn á ný skal reynt að sameina sveitarfélög.

Á síðustu árum hafa átt sér stað margar sameiningar sveitarfélaga, þannig að þeim hefur fækkað mjög.Allt hefur þetta gerstv með því að íbúarnir sjálfir hafa tekið þá ákvörðun. Sumum finnst ekki nóg að gert og vilja enn frekari sameiningar. Ögmundur Jónasson,innanríkisráðherra,boðar að nú skuli kannaður áhugi sveitarfélaga til frekari sameiningar.Útaf fyrir sig er það hið besta mál allavega er það allt annað en sumum ráðamönnum hefur dottið í hug að sameina beri sveitarfélög með lagasetningu þar um.

Nú er það svo að mörg sameinuð sveitarfélög eru í hópi skuldsettustu sveitarfélaga landsins. Sameiningin sem slík leiddi ekki til nokkurrar hagræðingar nema síður sé. Eflaust getur það samt verið misjafnt og ef til vill eru íbúar einhverra sveitarfélaga ánægðir með sameininguna og er það þá vel,því það voru þeir sjálfir sem tóku ákvörðun.

En ég getv ekki séð hvað það væri hagstætt fyrir Garðinn að sameinast t.d. Sandgerði og verða að taka miklar skuldir þess sveitarfélags á sig. Ekki er líklegt að þjónustan við íbúa Garðsins batnaði við það. Nú ekki sér maður heldur kostina við að Garðurinn tæki þátt í greiðslu skulda Reykjanesbæjar.

Staða sveitarfélaga getur verið mjög misjöfn og ekkert unnist með sameiningu hjá sveitarfélagi eins og Garðinum.

Aftir á móti er sjálfsagt að sveitarfélög efli með sér samstarf á mörgum sviðu. Sveitarfélög á Suðurnesjum eiga t.d. að standa saman í baráttu fyrir atvinnuuppbyggingu. Sveitarfélögin geta sameiginlega komið fram í baráttunni gegn ríkisvaldinu.

Það þarf ekki að leggja niður sveitarfélög til að ná því markmiði.

 

Kanna áhuga á sameiningu

Fokið í flest skjól hjá vinstri stjórninni. Björn Valur gagnrýnir ráðherra fyrir að sniðganga Alþingi.

Þær hafa oft verið hástemmdar ræðurnar og greinarnar hjá forystumönnum Samfylkingar og Vinstri grænna um aukið vald alþingismanna. Þeir gagnrýndu harðlega ráðherravald og lögðu áherslu á að Alþingi réði en ráðherrar væru framkvæmdaaðilinn.

Eins og flest annað sem vinstri flokkarnir boðuðu hefur verið svikið. Þetta gengur svo langt að meira að segja einn helsti strigakjaftur VG er búijn að fá nóg. Ástandið hlýtur að vera orðið slæmt þegar heilaþveginn vinstri hönd Steingríms J. tekur uppá því að gagnrýna einræðisbrölt ráðherra vinstri stjórnarinnar.

Almenningur hefur misst allt traust á Vinstri stjórninni og nú bætist Björn Valur í þann hóp.

Alþingi ræður en ekki ráðherrar

Flokksráð VG styður lið í aðlögunarferlinu að ESB.

Enn betur er það alltaf að koma í ljós að flokksforystan í VG meinarekkert með yfirlýsingum sínum að hún sé á móti að Ísland gangi í ESB. Um helgina samþykkti flokksráð VG að styðja flutning sjávarútveg og landbúnaðarráðuneytis yfir í umhverfisráðuneytið.

Fullyrt er að þetta sé liður í aðlögunarferlinu að ESB. Auðvitað styður VG slíka fyrirskipun frá ESB.

Það er fáránlegt að ætla að leggja sjávarútveg og landbúnað undir umhverfisráðuneytið.

VG styður auðlindaráðuneyti

Flokksráð VG skorar á ráðherra að hlusta ekki á athugasemdir.

Það hefur vakið athygli að allir hagsmunaaðilar sem fjallað hafa um frumvarp Jóns Bjarnasonar í sjávarútvvegsmálum vara eindregið við samþykkt þess. Gildir þá einu hvort það eru samtök útgerðarmanna,sjómanna, verkalýðsfélaga eða banka. Allir segja frumvarpið ómögulegt og gera lífskjör lakari í landinu.

Þrátt fyrir allar þessar umsagnir samþykkir flokksráð Vinstri grænna að skora á ráðherra ríkisstjórnarinnar að hlusta ekki á neina gagnrýni og keyra í gegn kvótafrumvarpið.

Já, það virðist vera helsta baráttumál VG að koma málum þannig fyrir að lífskjör versni í landinu.

Hugsunaháttur Vinstri grænna er ekki í lagi.

Vinstri grænir sjá ekkert annað en halda áfram að hækka skatta. þeir hætta ekki fyrr en allt er orðið stopp bæði fyrirtæki og heimili.

Það virðist alveg útilokað að VG detti í hug að til þessa að bæta hag þjóðarinnar þarf að skapa atvinnutækifæri. Þjóðin þarf á auknum tekjum að halda ekki að pína þá sem enn hafa vinnu eða þau fyrirtæki sem enn standa uppi.

Þjóðin þarf að losna við Vinstri græna úr ríkisstjórn.

Betra að hækka skatta

Skoða,skoða og skoða aftur og nógu lengi þar til fjárfestar gefast upp.

Eins og við mátti búast frá hendi Vinstri grænna taka þeir öllu með miklum efasemdum þegar erlendur fjárfestir vill hefja uppbyggingu í ferðaþjónustu hér á landi. Hér er ekki verið að tala um neinar smá upphæðir. Eins og fram hefur komið í fjölmiðlum er hér um gífurlegt tækifæri að ræða fyrir ferðaþjónustuna.

Svör ráðherra Vinstri grænna. Skoða,skoða og skoða enn og aftur. Við könnumst við þessi vinnubrögð hér á Suðurnesjum. Allt sem byrjar á einka er eitur í beinum Vinstri grænna. Af þeim ástæðum höfum við tapað af mörgum góðum tækifærum til atvinnuuppbyggingar. Vinstri grænir vinna þannig að erlendir fjárfestar gefast upp  og snúa sér annað.

Hvenær verður Samfylkingin búin að fá nóg af þröngsýni VG ?

Stór plön þarf að skoða vel

Steingrímur J. hrópar húrra fyrir AGS. Verða næstu húrrahróp Steingríms J. fyrir ESB?

Á Alþingi eru örugglega til heilu staflarnir af ræðum eftir Steingrím J. þar sem hann dró upp hryllilega mynd af AGS. Ef við Íslendingar færum í samstarf við þá væri það skelfilegt fyrir íslenska þjóð. Allt færi á hliðina og hreinlega í rúst. Þessu lýsti Steingrímur J. með miklum tilþrifum og notaði stór orð í ræðum á Alþingi auk fjölda greina.

Núna eftir samstarf við AGS hrópar Steingrímur J.margfalt húrra fyrir AGS. Á þeim bæ segir Steingrímur J. eru sko góðir gæjar sem hafa hjálpað þjóðinni mikið.

Hvernig er hægt að taka mark á stjórnmálamanni eins og Steingrími J.

Á þjóðin von á því að næstu húrrahróp Steimngríms J. verði fyrir EBS.

 

Samstarfinu við AGS lokið

Til hvers er Landsfundur Sjálfstæðisflokksins ?

Okkur fylgjendum Sjálfstæðisflokksins er sagt að Landsfundur sé æðsta valdastofnun flokksins. Þar koma mörg hundruð Sjálfstæðismenn saman og marka stefnuna. Hver og einn félagi getur þar haft sín áhrif með málflutningi,tillögum og með sínu atkvæði um stefnu flokksins í einstökum málum.

Það hlýtur því að vera krafa okkar hin almenna Sjálfstæðismanns að þingmenn flokksins virði þær samþykktir sem gerðar eru á landsfuni í stórum stefnumarkandi málum.

ESB málið málið er eitt af þeim málum sem hafa fengið mikla umfjöllun á landsfundi og tekist hefur verið á um málið. Niðurstaðan er skýr. Landsfundur ályktaði að stefna Sjálfstæðisflokksins væri að vera á móti inngöngu Íslands í ESB.

Það er því sjálfsögð krafa að allir þingmenn flokksins fari eftir stefnu landsfundar.

Vilja að þingmenn íhugi stöðu sína

Katrín sýnir Vinstri grænum klærnar.

Eftir að þremenningarnir gengu úr þingflokki VG hefur Steingrímur J. formaður örugglega reiknaðö með að nú væri hann laus við allt klór og rispur frá óþægum villiköttum. Nú myndi ríkja friður og ró á stjórnarheimilinu og hann og Jóhanna gætu vel ráðið við sitt lið.

Það hefur því komið Steingrími J. í opna skjöldu að Katrín iðnaðarráðherra sýnir nú klærnar og klórar hressilega í Vinstri græna. Burt með alla pólitíska bitlonga og pólitíska miðstýringu úr Byggðastofnun segir Katrin. Nú skal skipað á faglegu nótunum í stjórnina. Þetta er hræðilegt að mati VG. Meira að segja gengur Katrín svo langt að henda út syni ráðherra Vinstri grænna.

Vinstri grænir lifa og hrærast að pólitíkusar eigi að stjórna og ráða í öllum stofnunum. Þannig var það í den í austantjaldslöndunum og enn er það í fyrirheitnu löndunum Kúbu og N-Kóreu. Að mati VG er skelfilegt að missa slíka bitlinga úr stofnun eins og Byggðastofnun. Það er því eðlilegt að þeir séu reiðir í garð Katrínar.

Hvernig getur henni eiginlega dottið í hug að skipa stjórn á faglegum nótum. Hvað verður þá um alla pólitísku greiðana sem fulltrúar VG ætluðu að úthluta?

VG gagnrýnir iðnaðarráðherra