Bjarni Benediktsson formaður Sjálfstæðisflokksins sagði meira.

Nú slá sumir fjölmiðlar því uðð að Bjarni formaður Sjálfstæðisflokksins vilji endilega að Ólafur Ragnar forseti Íslands skrifi undir hin umdeildu ríkisábyrgðarlög á Icesave. Vitnað er til frétta í RUV þar sem Bjarni sagði það sína skoðun að forsetinn ætti ekki að grípa fram fyrir hendur vilja Alþingis.

Bjarni sagði reyndar meira. Hann vitnaði í inngrip forseta í fjölmiðlalögin og hann viotnaði í orð Ólafs Ragnars um gjá milli þings og þjóðar o.fl. sem setur forsetann í mikinn vanda ætli hann sér nú að skrifa undir. Hann verður þá ekki samkvæmur sjálfum sér.

Auðvitað er eðlilegt að þingmenn telji að meirihlutavilji þeirra eigi að ráða. En miðað við það hvernig Ólafur Ragnar beitti heimild sinni til að skrifa ekki undir fjölmiðlalögin á sínum tíma hlýtur hann að gera það nákvæmlega sama nú. Skrifi Ólafur Ragnar undir undirsrikar hann svo rækilega pólitísk afskipti sín að stór hluti þjóðarinnar getur ekki litið á hann sem forseta sinn.

Hitt er svo annað að auðvitað þarf að setja nákvæmar reglur um þjóðaratkvæðagreiðslur og það á ekki að vera í höndum forseta að ákveða það. Auðvitað væri nær að hafa reglurnar samkvæmt strefnuskrá Vinstri grænna að 15-20 % gætu krafist þjóðaratkæðagreiðslu. Reyndar er rétt að taka fram að VG styður ekki lengur sína eigin stefnu um þjóðaratkvæðagreiðslu.

En sem sagt. Fjölmiðlar eiga að segja frá öllu innihaldinu í máli Bjarna en ekki bara hluta innihaldsins.

Athugasemdir

[Árni Gunnarsson, 4.1.2010 kl. 16:39]

Sammála og viðurkenni að hafa hlaupið á mig eftir að ég las í frétt tilgreind orð Bjarna þess efnis að forsetinn hlyti að verða sjálfum sér samkvæmur. Þar kom ekki fram að hann gat þess jafnframt að hann væri andvæigur þessum málskotsrétti forsetans. Og enda þótt ég sé honum ósammála í því efni þá á hann fullan rétt á sinni skoðun jafnt og ég á minni.

Aftur á móti er það ljóst að fjölmörg flokkssystkini Bjarna hafa skipt um skoðun á málskotsréttinum frá því fjölmiðlalögin voru í umræðunni. Við það hef ég svo sem ekkert að athuga því sjálfur hef ég oft skipt um skoðun og þó líklega ekki í nokkru máli jafn oft og í þessu fjandans æseif máli.

[Sigurður Grétar Guðmundsson, 4.1.2010 kl. 16:59]

Bjarni Benediktsson formaður Sjálfstæðisflokksins sagði það skýrt og skorinort í hádegisfréttum Ríkisútvarpsins það hefði alltaf verið sín grundvallarskoðun að Forseti íslands ætti ekki að breyta endanlegri ákvörðun Alþingis og það ætti við nú sem endranær.

[Elle_, 4.1.2010 kl. 23:07]

Forsetinn hefur það vald og vonandi notar hann það vald.