Jóhanna verkstjóri í leyniför til Brussel. Víst er allt upp á borðinu,þið sáuð afmælistertuna.

Auðvitað hlaut á endanum að koma að því að Jóhanna verkstjóri hinnar tæru Vinstri stjórnar færi til útlanda. Samkvæmt hádegisfréttum RUV mun mikil leynd vera um ferðina. Eina sem vitað er að hún mun ræða við háttsrettan aðila hjá ESB. Aðspurð um það hvort hún muni hitta fleiri og um umræðuefni kvað hún að mikil leynd þyrfti að ríkja. Ekki væri mögulegt að gefa þjóðinni slíkar upplýsingar.

Þar sem Jóhanna er örugglega mjög þekkt hjá stórþjóðum má búast við því að hún verði sett í dulargervi og fari um með mikilli leynd, þannig að fjölmiðlar fái ekki nokkra nasasjón af ferðum hennar.

Auðvitað væri það alveg skelfilegt ef íslenskur almenningur fengi eitthvað að vita um tilgang þessarar mikilvægu leynilegu ferðar Jóhönnu verkstjóra. Auðvitað eiga íslenskir fjölmiðlar og íslenskur almenningur ekki nokkra heimtingu á að vita hvað hún ætlar að ræða.

Þetta um að allt eigi að vera uppi á borðinu átti alls ekki við um upplýsingar um viðræður eða málefni.Nei,nei ríkisstjórnin stóð við það loforð eins og sást í fjölmiðlum. Afmælistertan var uppi á borðinu eins og alþjóð sæa á eins árs afmæli Vinstri stjórnarinnar. Er það ekki flott fyrir almenning að fá að sjá það.

Athugasemdir

[Gústaf Níelsson, 2.2.2010 kl. 21:45]

Auðvitað er þetta ekki vansalaust Sigurður að Íslendingar skuli sitja uppi með forsætisráðherra, sem getur ekki mælt á helstu tungur Evrópusambandsríkjanna. Auðvitað ætti hún að baða sig í sviðsljósi evrópskra fjölmiðla í þessari för og halda fram málstað Íslands, í stað þess að ferðast með leynd. Hver hlustar á forsætisráðherra, sem ekki getur tjáð sig? Allir starfshættir þessarar ríkisstjórnar eru að verða eitt reginhneygsli. Er ekki best að gera Jón Ásgeir að bankastjóra Landsbankans?