Uppbygging álvers í Helguvík er eitt af loforðum Vinstri stjórnarinnar.

Það skiptir alveg gífurlega miklu máli að hægt verði að setja framkvæmdir á fullt í álverinu í Helguvík. Það er með ólíkindum hversu illa gengur að halda áfram framkvæmdum á fullu. Uppbygging álversins er hluti af stöðugleikasáttmálanum sem ríkisstjórnin er aðili að. Það er hægt að taka undir orð kristjáns Gunnarssonar verkalýðsleiðtoga þegar hann veltir upp hvort Suðurnesin séu í pólitísku einelti hjá stjórnvöldum. Það lítur hreinlega út fyrir að stjórnvöld geri allt til að drepa niður allar hugmyndir um atvinnuuppbyggingu á Suðurnesjum.

Það er líka hægt að taka undir með Böðvari Jónssyni formanni væjarráðs Reyukjanesbæjar þegar hann segir að stjórnvöld,Norðurál og HS orka verði að setjast niður og hreinlega hnýta þá enda sem enn eru óhnýttir. Það verður hreinlega að gerast. Atvinnuleysi er mikið á Suðurnesjum, bygging álversins í Helguvík myndi laga það ástand verulega.

Mér finnst ég lítið hafa heyrt frá þingmönnum Suðurkjördæmis,sem styðja þessa VInstri stjórn varðandi uppbyggingu álversins í Helguvík. Þingmenn Samfylkingar og Vinstri grænna hér í kjördæminu hljóta að gera sér grein fyrir hversu mikla þýðingu það hefur að haldið verði áfram með framkvæmndir við álverið í Helguvík.Þingmenn eiga að setja þetta stóra hagsmunamál Suðurnesjamanna á ODD inn á NÝ.

HS-Orka vill selja orku til Helguvíkur

Athugasemdir

[Ólafur Ingi Hrólfsson, 26.8.2010 kl. 13:34]

Tek undir með þér -

Reyndar finnst mér lítið hafa farið fyrir stuðningi stjórnarsinna við Suðurnesjamenn -

[Sigurður Haraldsson, 26.8.2010 kl. 14:25]

Sælir eruð þið vissir um að álver sé það eina sem bjargar okkur?

[Sigurður Jónsson, 26.8.2010 kl. 15:07]

Nei nafni, en það hefði mikið að segja fyrir atvinnulífið hér á Suðurnesjum.

[Óðinn Þórisson, 26.8.2010 kl. 18:59]

Stöðugleikasáttmálinn var um að öllum hindrunum vegna Helguvíkur yrði rutt úr vegi - Svandís var því ósammála

[Gísli Ingvarsson, 26.8.2010 kl. 19:19]

Einu sinni voru suðurnesjamenn fræknir sjógarpar. Nú veiða aðrir fiskinn þeirra. Þá vilja þeir að stóri bróðir vinstri-hægri og grænbrúnastjórnin þar sem hver hendin er uppi á móti annari bjargi sér með Álveri sem sunnlendingar eiga að virkja sínar lindir fyrir enda varla séð að gufan í Svartsengi og nágrenni verði þeim afl til afreka.

Hvernig væri að stefna á tollfrjálsa fiskvinnslu og semja við Evrópubandalagið um aðild. Frábær hugmynd til lengir tíma litið.

[Dingli, 26.8.2010 kl. 21:31]

Sæll Sigurður 

Staðan í dag er sú að Helguvíkur-álverið verður aldrei byggt. Landsvirkjun á vart fyrir afborgunum, hefði álverð ekki hækkað um ca.70% á tveimur árum væri hún komin á hausinn og Orkuveitan er tæknilega gjaldþrota. Hvorugt fyrirtækjana fær krónu að láni til framkvæmda sem skila litlum sem engum arði.

Raforkuverð til Helguvíkur þarf að lámarki að tvöfaldast, svo nokkur von sé til að fé fáist til nauðsynlegra virkjana. Við skulum heldur ekki gleyma því að lán eru mjög dýr í dag og ábyrgð ríkisins á þeim er einskis virði. Augu yfirvalda eru líka að opnast fyrir því hversu geggjað er, að taka alla hagkvæmustu virkjunarkosti landsins og selja þá á kostnaðarverði. Á orkublogginu er t.d. bennt á ,að fái Norðurál orkuna á því verði sem talað hefur verið um, gæti verið hagstæðara fyrir þá að leggja streng til Evrópu og endurselja rafmagnið á markaði en að byggja álver.

Gjörnýta þarf orkukosti á Reykjanesi og mikil óvissa er um að leyfi til slíks fáist. Allt virðist mér því stefna í, að það megi bara gleyma þessu.