Á núverandi biskup nema einn leik eftir í stöðunni?

Það var áhrifaríkt að horfa og hlusta á Sigrúnu Pálínu í Kastljósþætti kvöldsins. Það fór um mann hrollur þegar hún lýsti atburðunum með þáverandi biskup. Að þarna skuli hafa verið á ferðinni æsti maður þjóðkirkjunnar er hryllilegt. Að kynferðiafbrotamaður skuli hafa gegnt æðsta embætti innan kirkjunnar er svo ótrúlegt og jafnframt ógeðslegt.

Lýsingar Sigrúnar Pálínu á því hvernig krikjunnar menn tóku á málum hennar er sorglegt. Í framhaldinu varð þessi kona fyrir ofsóknum og margir sem létu hana heyra það. Ömurleg lífsreynsla til viðbótar hjá konu sem vildi réttlæti og að sannleikurinn kæmi í ljós.

Miðað við hvernig núverandi biskup séra Karl hefur brugðist við og hvernig Sigrún Pálína segir frá samskiptum sínum við hann á biskup eingöngu einn möguleika í stöðunni. Hann verður að segja af sér.

Eigi kirjan að vera áfram sá björgunarhringur og akkeri fyrir almenning í landinu verður ný trúverðug forysta að vera hjá þjóðkirkjunni.

Athugasemdir

[Rafn Haraldur Sigurðsson (IP-tala skráð) 26.8.2010 kl. 21:59]

Þú skalt ekki bera ljúgvitni gegn náunga þínum.

Hann var ekki trúverðugur í kastljósinu blessaður biskupinn, fannst hún Sigrún trúverðugri. 

[Kristján Sigurður Kristjánsson, 26.8.2010 kl. 22:54]

Varstu fyrst núna að fatta þetta?

[Guðmundur Paul, 28.8.2010 kl. 08:08]

við skulum ekki víkja frá grundavallarhugmyndum réttarríkisins að hver maður er saklaus þar til sekt hans er sönnuð með dómi. ég er ekki búinn að gleyma dómstóli götunnar í geirfinnsmálinu og þætti gulupressunnar í því, ég er ekki heldur búinn að gleyma öllum þeim árásum sem davíð og sjálfstæðisflokkurinn urðu fyrir í upphafi baugsmálsins. Ég er ekki tilbúinn í að umbreyta sögunni heldur að reyna að læra af henni.