Nánast allir sjá fáránleikann og pólitíkina í að ákæra Geir.

Alþingi setti verulega niður þegar meirihluti þingmanna ákvað að ákæra Geir H.Haarde einan af fyrrverandi ráðherrum og draga fyrir landsdóm.

Sem betur fer sér meirihluti landsmanna fáránleikann í þessu og hvernig Vinstri grænir í heild sinni ásamt nokkrum framsóknarmönnum og samfylkingarþingmönnum tóku þessa ákvörðun.

Algjör var skrípaleikur nokkurra þingmanna Samfylkingar sem ákváðu að hlífa sínum fyrrverandi ráðherrum en láta Geir einan sitja uppi með ákæru.

Sem betur fer eru nánast allir sem hneykslast á þessum vinnubrögðum.

Fáir ánægðir með ákvörðun Alþingis

Athugasemdir

[Árni Gunnarsson, 17.10.2010 kl. 14:27]

Auðvitað átti að ákæra allan þennan óburðuga kvartett svona til að byrja með. En verst af öllu er þó að nú eru þeir sloppnir með skrekkinn Davíð og Halldór.

[Ólafur Ingi Hrólfsson, 17.10.2010 kl. 19:59]

Sigurður - Geir var sá eini sem Alþingi taldi sakhæfann - og Árna næstum því -

Ósakhæft fólk eru jú þeir sem .................

Ég hef enga trú að því að Geir verði sakfelldur - það væri fáránlegt - hitt er annað að það sem hann þagði yfir - og Davíð líka - á að koma fram - það yrðu stórir bitar fyrir Árna Gunnarsson og fleiri að þurfa að kyngja.

[Kolbrún Hilmars, 20.10.2010 kl. 19:41]

Ég er sammála Árna með kvartettinn að lágmarki, en hefði samt viljað ganga lengra og ákæra ALLA ráðherra Þingvallastjórnarinnar. En Geir einn - það er bara brandari!