Heilbrigðisráðherra hefði átt að hugsa fyrst.

Það er mjög gott hjá Elliða bæjarstjóra í Vestmannaeyjum að óska eftir að landlæknir láti fara fram öryggisúttekt vegna boðaðs niðurskurðar stjórnvalda í heilbrigðisþjónusttunni. þessi beiðni Elliða snýra að sjálfsögðu að vestmannaeyjum, en svona úttekt þyrfti örugglega einnig að fara fram varðandi aðra staði á landsbyggðinni.

Það er með ólíkindum að heilbrigðisráðherra skuli hafa samþykkt að leggja fram þessar tillögur um niðurskurð í heilbrigðisþjónustunni á landsbyggðinni. þetta er einhver alvarlegasta árás sem gerð heur verið á landsbyggðina af nokkurri ríkisstjórn. Fólk á landsbyggðinni þarf einmitt á því að halda að búa við mikið öryggð varðandi heilbrigðisþjónustu.

Dæmin sanna að veðurfar á Íslandi er oft þannig að það er ekki auðvelt að ferðast um landið. Það sýndi sig t.d. rækilega að sjálfur heilbrigðisráðherrann treysti sér á dögunum ekki að fara akandi út á landsbyggðina vegna ófærðar. Miðað við þá staðreynd er furðulegt að sama heilbrigðisráðherra skuli detta í hug að setja fram svona tillögur sem skapa mikið hættuástand fyrir t.d. ófrískar konur víða á landsbyggðinni.

Á sama tíma og heilbrigðisráðherra vill skera niður í heilbrigðisþjónustu á landsbyggðinni eyðum við 100 milljónum í dagsfund í Laugardalshöllinni, ríkið ætlar að eyða a.m.k. 500 milljónum í stjórnlagaþing .Við erum á fullu að ausa út peningum vegna ESB umsóknar. Forsætisráðuneytið hefur eytt 500 milljónum í alls konar sérfræðiþjónustu.

Hefði ekki verið nær fyrir heilbrigðisráðherra að hugsa aðeins áður en árásin á landsbyggðina var gerð.

Óskað eftir úttekt landlæknis

Athugasemdir

[Sveinn (IP-tala skráð) 17.11.2010 kl. 13:04]

Ekki gleyma tæpl. 1000 milljónum í sendiherrabústað í London og ca 600 milljónum í sama í Köben,nokkrum tugum ef ekki hundruð milljónir eiga eftir að fara í Landsdóm og allan þann málarekstur. Síðast en ekki síst er fjármálaterroristinn Steingrímur J að undirbúa 60.000.000.000,kr gjöf frá íslensku leiguliðum hans skattgreiðendum til hollenskra og breskra peningabraskara.

[Brynjar Þór Guðmundsson, 17.11.2010 kl. 16:18]

Þetta er fáránlegt, ég seigi ekki annað.

Hér á Blönduósi stendur til að skera enn einu sinni og jafnvel að leggja niður sjúkrahúsið. Ákveðinn drullusokkur(Velferðarráðherra) segir að við eigum að fara á Krókinn eftir læknisþjónustu og sker á sama tíma þar um 45%. Þeir á króknum hafa þegar sagt að þeir geti ekki sinnt öllum á króknum ef af verður, hvað þá þess um 3500 sem búa á blönduósi og nærsveitum? Okkur er sagt að fara bara með sjúkraflugi ef eitthvað mikið er að og á sama tíma er samspillingin í Reykjarvíka að leggja til að lokaflugvellinum því það "henti" ekki Reykvíkingum.

ÞETTA RUGL HELDUR EKKI VATNI, SAMSPILLINGIN ÞARF AÐ VÍKJA