Hvar er fjallað um tengslin og styrkveitingar frá Baugsveldinu til Samfylkingarinnar? Gleymdist það í umbótaskýrslunni?

Samfylkingin reynir nú allt sem hún getur til að hvítþvo sig af öllu sem miður hefur farið í þjóðfélaginu. Samfylkingin segist ekki hafa áttað sig á Sjálfstæðisflokknum,það sé allt honum að kenna og svo auðvitað Davíð. Væntanlega er núna allt sem miður fer Vinstri grænum að kenna, nema að nærvera Davíðs í Morgunblaðinu sé enn að trufla góðan vilja Samfylkingarinnar.

Annars er merkilegt í þessu mikla umbótauppgjöri Samfylkingarinnar að ekki skuli vera gerð grein fyrir nánum tengslum við Baugsveldið. Margir halda því fram að frá Baugsveldið hafi streymt ómældir fjármunir bæði beint og dulbúnir til kosningabaráttu Samfylkingarinnar.

Flokkur eins og Samfylkingin, sem vill að allt sé gagnsætt og uppi á borði á eftir að gera kjósendum grein fyrir hvernig þessum málum öllum var háttað.

Það getur varla talist nóg að sú ágæta kona Steinunn Valdís þurfi ein að bera ábyrgð á spillingarmálum í Samfylkingunni.

Svo er það auðvitað merkilegt að Samfylkingin hefur nú ákveðið að hverfa frá sínu helsta lýðræðistali oo í framtíðinni verða prófkjör aðeins fyrir innvígða Samfylkingarmenn. Áður sagði Samfylkingin að hún stæði framar öllum öðrum því öllum stæði opið að velja frambjóðendur flokksins.

Ekki tekið á einstaklingum

Athugasemdir

[corvus corax, 6.12.2010 kl. 13:25]

Samfylkingin er bull og þvaðurmaskína sem fer fyrir lygum, svikum og loddaraskap í stjórnarsamstarfinu nú sem fyrr. Og vinstri glærir keppast við að láta ekki sitt eftir liggja í mafíustarfinu.