Vinstri grænir vilja ekki Ólaf Ragnar.

Pólitíkin getur oft verið óútreiknanleg. Hver hefði trúað því fyrir nokkrum árum að Vinstri grænir yrði sá flokkur sem hafnaði Ólafi Ragnari sem áframhaldandi forseta. Ólafur Ragnar er nú fyrrverandi leiðtogi þessa hóps vinstri manna. Nú er svo komið samkvæmt fréttum að Ólafur Ragnar og Steingrímur J. núverandi formaður VG talast ekki við. Engir sellufundir lengur.

Já og hver hefði trúað því að aðalstuðningsmenn Ólafs Ragnars væru innan Sjálfstæðisflokksins og Framsóknarflokksins. Svona geta hlutirnir gjörsamlega snúist við.

Annars held ég að Ólafur Ragnar eigi að lýsa því sem fyrst yfir að hann ætli ekki áfram í framboð til forseta. Hann hefur á ótrúlegan hátt náð að bæta ímynd sína svo um munar og getur því hætt nokkuð sáttur. Það er kominn tími ti að fá nýjan forseta á Bessastaði.

50% vilja að Ólafur Ragnar bjóði sig fram aftur

Athugasemdir

[hilmar jónsson, 25.2.2011 kl. 22:01]

Eða: Hver hefði trúað því fyrir nokkrum árum að Sjálfstæðisflokkurinn yrði fremstur í flokki klappstýra Ólafs ? Meira að segja Davíð fellur í skuggann.

Já allt er í heiminu hverfult..

[Númi (IP-tala skráð) 25.2.2011 kl. 22:37]

Ekki alhæfa svona Sigurður,grasrótin mun hiklaust kjósa hann til áframsetu. Ég mun kjósa hann,áfram Ólafur.

[Þórólfur Ingvarsson, 25.2.2011 kl. 23:44]

Þeir voru nú ekki neinir vinir Ólafur og Steingrímur þegar þeir voru saman í flokki.