Fær þjóðin að kjósa um tillögur stjórnlagaráðs?

Það verður fróðlegt að fylgjast með hvernig þingmenn taka á tillögum stjórnlagaráðs um nýja stjórnarskrá.Það er nauðsynlegt að fram fari þjóðaratkvæðagreiðsla um tillögur stjórnlagaráðs áður en Alþingi fær tillögurnar til umfjöllunar. Þjóðin verður að fá að segja sitt álit.

Flestir þingmenn tala um aukin bein áhrif almennings á hin ýmsu mál. Það sýndi sig í Icesave málinu að þjóðarviljinn var annar heldur en meirihlutavilji Alþingis.Nú reynir á það hvort hugur fylgi máli hjá þingmönnum þegar þeir segjast styðja íbúalýðræði.

Drög að nýrri stjórnarskrá lögð fram

Athugasemdir

[Dexter Morgan, 18.7.2011 kl. 23:57]

Láttu þér ekki detta það í hug að þingmenn fari að gera nokkurn skapaðan hlut sem gæti ruggað "ÞEIRRA" stól. Þetta mun fara í "nefnd" og svo aðra "nefnd" og svo í aðra "nefnd",,,,,,, og málið mun deyja á þingi, ef eitthvað í þessum tillögum á eftir að koma við þeirra eigin hagsmuni, alveg klárt.

Stjórnlagaráð þyrfti að geta sett þetta upp með þeim hætti að FYRST muni þjóðin kjósa og svo hvíldi sú SKYLDA á alþingi að fara eftir þeim úrslitum. En þar sem um Alþingi er að ræða, þá hefur maður litla trú á því og ekki skánar það.....