Vita Vinstri grænir af þessu?

Það er virkilega jákvætt verði það að veruleika að ný fiskeldisverksmiðja rísi á Smuðurnesjum eins og fram kemur í frétt á mbl.is. Það skapar nokkur störf og eykur á bjartsýni manna að kannski fari eitthvað að gerast til að grynnka á atvinnuleysinu.

Annars datt mér í hug þegar ég sá fréttina. Fór þetta framhjá Vinstri grænum? Vissu þeir ekki af þessu? Það hlýtur að vera því annars hefðu þeir reynt að stoppa þetta eins og annað á Suðurnesjum. Það getur varla verið að VG sé ánægt með að erlent fyrirtæki skuli vera að fjárfesta á Íslandi. Og svo er þetta kannski einka, sem er algjört bannorð á heimili Vinstri grænna.

Já, þetta hlýtur að hafa farið framhjá VG. Eitthvað jákvætt á Suðurnesjum. Það er alveg skelfilegt,það gæti komið sér vel fyrir Sjálfstæðismenn á Suðurnesjum.

 

 

Ný fiskeldisverksmiðja mun rísa á Suðurnesjum

Athugasemdir

[Árni Gunnarsson, 23.8.2011 kl. 11:25]

Þetta er auðvitað alveg í anda vinstri grænna. Hinsvegar má gera ráð fyrir því að sjálfstæðismönnum svonefndum muni fátt um finnast. Þetta er nefnilega svo smátt í sniðum og svo verður áfram sama tapið á ónýttum orkulindum.

Það finnst sjöllum aldeilis skelfilegt að eiga ónýttar og umhverfisvænar orkulindir fyrir uppvaxandi kynslóðir.

Við, sem nú lifum eigum að gleypa allt og græða sem mest á skömmum tíma.

Reyndar mistókst nú eitthvað í áætluninni ljúfu: Græðum á daginn og grillum á kvöldin!