Hvað gerir forsetinn fyrir Norðurlandameistarana?

Við Íslendingar fyllumst miklu stolti þegar við eignumst methafa, hvort sem það eru Evrópumeistarar,silfur á Olympíleikum, Bermudaskál í Bridge, nú eða Norðurlandameistarar. Einmitt hefur það farið frekar hljótt að við eigum tvo flotta Norðurlandameistara. Ég sá það í helgarblaði Frséttablaðsins að Jóhanna Sigurðardóttir á Norðurlandamet í málþófi. Hún talaði í 10 klukkustundir og 7 mínútur um húsnæðismál með tveimur fundarhléuum.

Norðurlandametið í samfelldri ræðu á Ögmundur Jónasson,en hann talaði í 6 klukkustundir og 2 mínútur.

Ég er undrandi á því að íþróttadeildir sjónvarpsstöðvanna hafi ekki fjallað ítarlega um þessi afrek Jóhönnu og Ögmundar. Það er stórkostlegt að eiga þessa methafa í málþófi.

Auðvitað á RUV að sýna þessar ræður í kvölddagskrá sinni. Hugsið ykkur hálftíma vikulega þætti með metræðu Jóhönnu. Hér væri komið sjónvarpsefni í hálft ár.

Hvers vegna í óskupunum hefur ÓLafur Ragnar,forseti,ekkert gert fyrir Jóhönnu og Ögmund. Hann sýnir þessu afreksfólki algjöra lítilsvirðingu. Auðvitað á hann að sæma þau orðu. Að geta haldið uppi málþófi í 6 klukkustundir samfellt og rúmar 10 klukkustundir með tveimur stuttum hléum er frábært afrek.

Auðvitað á að gera þessum málsþófsmethöfum hátt undri höfði. Að við skulum eiga Norðurlandameistara í málþófi er frábært. Mikið rosalega getur þjóðin verið stolt af Jóhönnu og Ögmundi.