Er ekki allt í lagi Kristján Þór?

Hvernig getur heilbrigðisráðherra dottið í hug að loka skurðstofunni á Sjúkrahúsinu í Vestmannaeyjum.Ég hef haft mikla trú á Kristjáni Þór Júlíussyni. Á landsfundum Sjálfstæðisflokksins hef ég stutt hann í forystuhlutverkin sem hann hefur leitað eftir. Ég hélt að Kristján Þór skyldi manna best þörf landsbyggðarinnar til að hafa góða og örugga þjónustu. Sérstaða Vestmannaeyja er mikil. Eins og við þekkjum til er ekki alltaf flugfært til Eyja. Það er ansi löng leið að eiga að keyra með sjúkling frá Landeyjahöfn. Reyndar er ekki öruggt að það sé alltaf fært að sigla þangað eins og dæmin sanna.

Um 60 þúsund manns hafa skrifað undir áskorun að flugvöllurinn verð áfram í Vatnsmýrinni í Reykjavík. Helstu rökin í þeim efnum er nálægðin við sjúkrahús. Fullyrt er að það hafi bjargað mörgum mannslífum.

En hvað með Vestmannaeyjar? Það er svo fáránlegt að ætla að skerða þjónustuna svona og með því að skapa óvissu og hættuástand. Það er grundvallaratriði fyrir samfélag eins og Vestmannaeyjar að geta boðið uppá góða heilbrigðisþjónustu. Liður í þeirri þjónustu er að starfrækt sé skurðstofa.

Ágætu þingmenn Suðurkjördæmis. Beitið ykkur í þessu máli og komið í veg fyrir lokun skurðstofunnar í Eyjum.

„Eins og þruma úr heiðskíru lofti“

Athugasemdir

[Jóhann Kristinsson, 29.8.2013 kl. 02:45]

Sammála þessu Sigurður.

En hvar hefur þú verið undanfarnar vikur, hef ekki séð þín málefnalegu blogg lengi.

Kveðja frá Las vegas.

[Þórir Kjartansson, 29.8.2013 kl. 07:32]

Sigurður:  Kannski að útgerðarmenn í Eyjum sem nú þurfa ekki að borga sérstaka veiðigjaldið, hlaupi  undir bagga og bjargi málinu  

[Ásthildur Cesil Þórðardóttir, 29.8.2013 kl. 11:23]

Kristján Þór varð bæjarstjóri á Ísafirði, hann starfaði þar uns Samherji hafði eignast eitt af bestu aflaskipum plássins og fór burtu með mikinn kvóta, eftir það hætti hann og fór á miðju tímabili, mission complete.  En ég held að hún sé ennþá gul. 

[Sigurbjörg Eiríksdóttir, 29.8.2013 kl. 11:30]

Sammála. Þetta má bara ekki gerast.

[Ásthildur Cesil Þórðardóttir, 29.8.2013 kl. 11:38]

Það getur komið upp sú staða að það sé ekki hægt að komast til né frá eyjunni, og sprungin botnlangi á svæðinu, ætlar ríkisstjórnin að taka á sig þá áhættu?

[Jón Ingi Cæsarsson, 29.8.2013 kl. 18:01]

Það er erfiðara að takast á við bitran veruleika í stjórn en stjórnarandstöðu.