Sjálfstæðismenn. Ekki svíkja loforðið.

Framsóknarflokkur og Sjálfstæðisflokkur lýstu því yfir fyrir kosningar að hætta bæri viðræðum um inngöngu Íslands í ESB. Það hefur verið staðið við þetta að því leyti að öll vinna og viðræður hafa verið stoppaðar.

Sjálfstæðisflokkurinn boðaði það mjög stíft fyrir kosningar að ekki yrði haldið áfram með viðræður nema að undangenginni þjóðaratkvæðagreisðlu. Þjóðin ætti að segja sitt álit hvort halda ætti áfram eða hætta alveg.

Bjarni Benediktsson formaður Sjálfstæðisflokksins lýsti því yfir að kosið yrði um málið á kjörtímabilinu. Sérstaklega var rætt um að það gæti átt sér stað á fyrri hluta kjörtímabilsins.

Nú segir Sigurður Ingi Jóhannsson ráðherra og varaformaður Framsóknarflokksins að þjóðaratkvæðagreiðsla sé ekki á dagskrá og gefur það fyllilega til kynna að ekki standi til að halda hana.

Sjálfstæðismenn ættu að hafa í huga hvernig fór hjá Vinstri grænum eftir að hafa svikið öll sín loforð varðandi ESB. 

Það gengur ekki standi til að svíkja loforð um þjóðaratkvæðagreiðslu. Forysta Sjálfstæðisflokksins verður að gefa það út að staðið verði við loforð um þjóðaratkvæðagreisðlu.

Þjóðaratkvæði um ESB ekki á dagskrá

Athugasemdir

[Jóhann Kristinsson, 6.6.2013 kl. 21:19]

Sammála þessu Sigurður og ég þarf ekkert að bæta við þetta.

Kveðja frá Houston

[Elle_, 6.6.2013 kl. 22:13]

Hvaða loforð var það?  Hví ættum við að kjósa núna um það sem var troðið yfir okkur?  Slíkt á að stoppa.