Klaufalegt hjá atvinnurekendum

Ósköp er þetta klaufalegt hjá atvinnurekendum að henda fram svona auglýsingu eins og birtast á sjónvarpsskjánum. Það gengur ekki að ætla að einfalda málin svo að það séu eingöngu launafólk sem beri ábyrgð á verðbólgunni. Auðvitað þarf að gera kjarasamninga á hófstilltum nótum. En eru atvinnurekendur alfarið saklausir? Hvað með verðhækkanir á vörum og þjónustu langt umfram það sem samið var um í kjarasamningum. Hvað með opinberar stofnanir? Eiga þær enga sök á verðbólgunni.

Ég veit ekki betur en ríkisstjórnin boði hækkanir t.d. á bensíngjaldinu. Það hefur áhrif á hækkun vísitölunnar.

Það er vitanlega klaufalegt að henda nú fram stríðshanskanum þegar vilji og skilningur er á því að það þarf þjóðarsátt um kjarasamninga. Grundvallaratrið er að allir taki þátt.

Og í lokin. það hefði verið skynsamlegra hjá atvinnurekendum að nota alla peningana sem auglýsingarnar kosta til að bæta aðeins kjör launafólks.

Kjaraviðræður í auglýsingatíma