Eldri borgarar hátt skrifaðir í USA

Merkilegt að fylgjast með forkosningunum í Bandaríkjunum.Ungir,miðaldra og konur virðast ekki eiga upp á pallborðið hjá Demókrötum. Baráttan snýst um það hvaða eldri borgari nær sigrin og kemur til með að keppa við Trump í nóvember um forsetaembættið.Bæði Biden og Sanders eru vel á áttræðisaldri og Trump er einnig á svipuðum aldri. Kosningarnar snúast því um það hvaða eldri borgara Bandaræikjamenn setja í Hvítahúsið.

Landssambandi eldri borgara hér á Íslandi gengur illa að ná árangri í baráttunni til að bæta kjör þeirra verst settu meðal eldri borgara. Stjórnvöld hlusta lítið sem ekkert.

Það er kannski komið að því að við fetum í spor Bandaríkjamanna og veljum okkur frambjóðendur til Alþingis úr röðum eldri borgara.Setjist eldri borgarar á Alþingi í stórum stíl verður kannski hlustað. Ef stjórnmálaflokkarnir vilja ekki eldri borgara á þing er kannski ráðið að stofna stjórnmálahreyfingu eldri borgara og ná þannig árangri.

Athugasemdir

[Ómar Ragnarsson, 4.3.2020 kl. 20:28]

Munurinn á viðhorfunum vestra og hér hjá okkur virðist liggja djúpt. Á ferðum um Bandaríkin er maður inntur eftir því við búðarborðið hvort maður sé eldri borgari. 

Aldrei hér á landi. Og afsökunin sem borin er fram ef spurt er hversvegna, er sagt að sumir gamlingjanna líti greinilega á svona spurningu sem móðgun þegar þeir segja með þjósti: "Hvað, lít ég út fyrir að vera svona gamall?"

[Tómas Ibsen Halldórsson, 5.3.2020 kl. 14:31]

Mér skilst að Biden og Sanders séu 76 ára og jafnvel eitthvað eldri en það. Trump verður, að ég held, 74 ára um það leiti sem hann sver embættiseið sinn í annað sinn í janúar á næsta ári.

Trump hefur bætt kjör Bandaríkjamanna umtalsvert frá því hann tók við sem forseti, var það reyndar eitt hans fyrsta verk að efla atvinnustigið sem var orðið bágborið í tíð Obama.

Nú þurfum við að finna okkar Trump og koma honum inn á þing og ekki bara á þing heldur í stól forsætisráðherra.

Sigurður, ert þú ekki tiltækur?? ert þú ekki kominn í heldrimanna klúbbinn??? Þú myndir sóma þér vel ásamt fleiri góðum mönnum og konum úr þeim klúbbi við stjórn landsins. Kannski Ómar væri til í að hjálpa til??? Ekki veitir af!!!!!!!

[Sigurður Jónsson, 5.3.2020 kl. 23:39]

Já ég er kominn í heldri manna klúbbinn. Verð 75 ára í sumar.

Við verðum með öllum tiltækum ráðum að vinna að því á hvern hátt við getum bætt kjör þeirra eldri borgara sem verst eru settir. 

[Helgi Þór Gunnarsson, 8.3.2020 kl. 12:36]

Sæll Sigurður, ég myndi styðja stjórnmála flokk sem hefði það að markmiði að styrkja stöðu eldriborgara hér á landi! 

Og ekki síður myndi ég styðja minn gamla kennara úr Barnaskóla Vestmannaeyja.

Vertu álvalt kært kvaddur.