FRAMBJÓÐENDUR KEYPTIR ?

Já, þetta er nú nokkuð gróft og væntanlega fáir sem opinbera sölu síns atkvæðis á þennan hátt.Í gamla daga var nú algengt að flokkarnir reyndu að kaupa atkvæði sumra með áfengisflösku. Ekki hef ég nú mikla trú á að það hafi borið árangur,en sem betur fer er þessi ósiður nú ekki lengur í gangi í stjórnmálaflokkunum.

Auðvitað má spyrja hvort flokkarnir séu ekki að reyna að kaupa sér atkvæði með fögrum loforðum um hitt og þetta. Þetta er ef til vill svolítið langsótt túlkun. Aftur á móti held ég að annar þáttur sé umhugsunarverður.

Prófkjör hafa gengið út í öfgar. Herkostnaðurinn er mikill og menn verða að leita ýmissa ráða til að fjármagna baráttuna. Auðvitað hlýtur sú spurning að vakna í hvaða stöðu frambjóðendur eru sem þegið hafa stórfé frá einstaklingi og fyrirtæki. Má ekki segja að þeir séu búnir að selja sig. Er líklegt að þeir vinni þannig á alþingi eða í sveitarstjórn að þeir greiði atkvæði gegn þeim sem hafa fjármagnað baráttu þeirra til asð komast til valda. Þetta er ekki síður umhugsunarvert.

Kærður fyrir að selja atkvæði sitt