ERFITT AÐ SKILJA.

Fréttir berast nú um mikinn hagnað íslensku bankanna. Á öðrum ársfjórðungi er hagnaður Kaupþings rúmir 15 milljarðar. Svipaðar fréttir berast af miklum hagnaði Landsbankans.Að sjálfsögðu á þetta vera fagnaðarefni að bankarnir skili svo góðri afkomu en allur almenningur verður eitt stórt spurningamerki þegar þessar tölur heyrast.

Það er ansi erfitt fyrir venjulegan launamann að skilja þetta. Á sama tíma er talað um kreppu,um vandamál bankanna, öll útlán hafi verið stöðvuð. Ekkert er hægt að gera fyrir þá sem tóku íbúðalán hjá bönkunum og eru nú í vandræðum. Mörg fyrirtæki riða til falls vegna þess að litla sem enga fyrirgreiðslu er að fá í bönkunum,.

Hvernig er5 hægt að ætlast til að venjulegur launþegi geti skilið þetta. Kjör almennings fara versnandi og margir eru í gífurlegum vandræðum og aðrir sjá fram á vandræði. Búast má við að fjöldi manns missi vinnuna.

Hvernig á svo fólk að skilja að á þessum tíma skili bankarnir milljarða hagnaði.