KENNARAPRIKIÐ EINA VOPNIÐ.

Hörmulegt að sjá svona frétt. Það er hrikalegt að hugsa til þess að kennarar þurfi að vera með byssu í kennslustundum. Ábyrgðin hlýtur að vera yfirþyrmandi um það að hugsalega þurfa að grípa til byssunnar. Vonandi rennur sú stund aldrei upp á Íslandi að það komi til umræðu að kennarar beri byssu.

Í gamla daga þegar maður  kenndi í Vestmannaeyjum var nú eina "vopnið" sem hægt var að veifa  gamla góða kennaraprikið. Ég man nú reyndar eftir að hafa brotið það við að slá í kennaraborðið en þá var einn ágætur nemandi sem notaði handavinnutímana sína til að búa til nýtt kennaraprik,sem reyndist mér mjög vel.

Já, það er ömurlegt til þess að hugsa að kennarar í Texas skuli telja nauðsynlegt að ganga með byssur til að geta varið sig og nemendur sína.Ekki vildi ég vera kennari í þessum skóla.

Kennarar fá að bera byssur í Texas

Athugasemdir

[Gummi (IP-tala skráð) 17.8.2008 kl. 09:03]

Sæll Sigurður.

Þetta er ljótt. Munum að lengi getur vont versnað.

Ég þori ekki að hugsa lengra.

[Maggi V (IP-tala skráð) 17.8.2008 kl. 15:14]

Ef að ég man rétt þá gastu nú sveiflað kennaraprikinu ansi frjálslega.

[Guðjón Guðvarðerson (IP-tala skráð) 18.8.2008 kl. 10:04]

Ja..slæmt er að heyra þegar orð, skynsemi og reynsla fullorðinna dugar ekki til að siða til ungdóminn.

Það er auðvitað talandi dæmi um dugleysi að fólk skuli þurfa að grípa til dauðra hluta við uppeldi barna,  svoleiðis fólk á að finna sér eitthvað annað að gera,  er mér þá nokkuð sama hvort vopnið heitir bissa eða kennaraprik.

Mér er alveg fyrirmunað að geta réttlætt það að ógna börnum til hlýðni,  það er algjör mannleysa.

Í áframhaldi af þessum skrifum þínum fór ég að lesa pistlana þína,  niðurstaða:

Þú ert algjörlega búinn að fletta ofan af þínum innra manni.....