STEINGRÍMUR J. SIGFÚSSON

Steingrímur J.Sigfússon formaður Vinstri grænna er frábær ræðumaður.Oft hefur maður gaman að því að hlusta á hann,þótt oft sé maður nú ósammála rökum hans og málflutningi.Ég er svo sem ekkert hissa á því þótt Steingrími hafi tekist að ná til sín fylgi.Það versta við Steingrím er að hann á til að missa sig alveg eins og gerðist á dögunum þegar hann skipaði Guðna Ágústssyni,formanni Framsóknarflokksins að þegja og það úr ræðustól Alþingis. Formaður eins stjórnmálaflokks getur ekki komið þannig fram við formann annars stjórnmálaflokks. Þetta er því miður ekki í fyrsta skipti sem Steingrímu formaður VG hagar sér svona. Orðbragð hans við Davíð Oddsson á sínum tíma er til ævarandi skammar þegar hann nefndi Davíð druslu og fleira í þeim dúr.

Ég hef hingað til talið Steingrím.J. einn helsta andstæðing virkjana í neðri hluta Þjórsár og hélt hreinlega að það væri hans innsta sannfæring. Auðvitað er ekkert við það að athuga að fólk hafi misjafnar skoðanir á því hvort á að virkja og þá hvar. Það sem kom mér aftur mjög á óvart var að sjá birtan kafla úr ræðu Steingríms á Alþingi frá 22.nóvember 2005.

"Neðri virkjanirnar í Þjórsá eru mjög hagkvæmar vegna þess að þær nýta alla miðlunina sem fyrir eru ofar í Þjórsársvæðinu.Núpavirkjun og síðan Urriðafossvirkjun eru að vísu ekki án umhverfisfórna.Það þarf vissulega að fara vel yfir það,en að breyttu breytanda eru þær mjög eðlilegur virkjunakostur áður en menn ráðast í ný og óröskuð svæði."

Ég varð að lesa þetta nokkrum sinnum yfir og skoða myndina af ræðumanninum sem sagði þetta til að ganga úr skugga um að þetta væri sami Steingrímur og talar nú. Ég held að enginn alnafni hans hafi átt sæti á Alþingi og að myndinni að dæma er þetta sami Steingrímur J. og núna er formaður Vinstri grænna.

Ég hafði nú ákveðnar efasemdir um orð Össurar Skarphéðinssonar að Steingrímur J. hefði verið mjög fylgjandi virkjunum í neðri hluta Þjórsár,en sé núna að Össur hefur rétt fyrir sér.

Miðað við þetta hljóta löngu og vel fluttu ræðurnar hans Steingríms J. sem innihalda gagnrýni á að virkjað verði í neðri hluta Þjórsár að hafa ansi litla vigt.

Já,það má segja að stuðningur Steingríms við virkjanir hafi komið á óvart.En auðvitað getur verið á stundum hættulegt að halda langar ræður því þá gleyma menn því að þeir þykjast alltaf vera á móti. Það er allavgea mikil tilbreyting að sjá að Steingrímur J. hefur þó einhvern tímann verið með einhverju máli.Skemmtilegt að það skyldi vera virjanamál sem hann sagði já við.

Athugasemdir

[Steingrímur Helgason, 7.9.2008 kl. 00:21]

Tek núorðið öngva meðvitaða ábyrgð á orðum nafna minna í pólitík.   Verkfræðíngurinn nafni minn framsóknari, stal þeim glæp.

Þessi bóndasonur, ekki.

[Hafþór Baldvinsson (IP-tala skráð) 7.9.2008 kl. 06:59]

Menn hafa auðvitað rétt á að skipta um afstöðu en þetta kom mér á óvart því ég hélt eins og fleiri að SJS hefði verið alfarið mótfallinn virkjunarkosti í Þjórsárverum. Þess vegna væri fróðlegt að fá skýringar Steingríms á breyttri afstöðu.

Varðandi fullyrðingu þína Sigurður um að SJS hefði kallað Davíð druslu þá er betra að hafa rétt eftir. Steingrímur spurði: ... hvort menn væru orðnar slíkar druslu og aumingjar að...?

Spurning er ekki sama og fullyrðing né álit. Rétt að gera greinarmun á þessu.

[Bjarni (IP-tala skráð) 7.9.2008 kl. 10:53]

“Hann getur ekki haft nein lögmæt forföll. Ég hlýt að líta svo á að hann þori ekki … hann þori ekki að koma hér og eiga orðastað við mig … ég hlýt að líta svo á … og það skal þá standa að Davíð Oddsson sé slík gunga og drusla að hann þori ekki að koma hér og eiga orðastað við mig.”