EINN SEGIR ÞETTA ANNAR SEGIR HITT

Um nokkuð langan tíma hefur maður fylgst með umræðunni um Evrópusambandið. Eigum við að sækja um aðild eða eigum við áfram að halda óbreyttri stefnu og vera utan við bandalagið. Eigum við að taka upp Evruna eða eigum við áfram að halda í Krónuna. Hvað er best fyrir okkur Íslendinga.

Umræðna fer yfirleitt útí pex. Fullyrðingar ganga á víxl um kosti og alla. Eftir alla umræðuna er maður gjörsamlega mát.Ég get sagt fyrir mig að ef efnt væri til kosninga um næstu helgi og spurt, ertu með því að ganga í Evrópusambandið eða ertu á móti myndi ég ekki vita hvernig ég ætti að greiða atkvæði.

Það var því mjög athyglisvert að hlusta á Jónas Haralz fyrrverandi efnahagsráðgjafa. Hann sagði að við yrðum að láta á þetta reyna í viðræðum við Efnahagsbandalagið. Við verðum að óska eftir viðræðum um aðild. með því móti fengjum við svör við áleitnum spurningum okkar. Við myndum þannig fá svar við þeirri spurningu hvort við gætum tekið upp Evruna án þess að ganga að fullu í bandalagið.

Auðvitað munum við aldrei ganga í Evrópusambandið nema að þjóðin samþykki það í atkvæðagreiðslu.

En eftir að hafa hlustað á Jónas spyr maður sig, er þetta ekki eina leiðin. Við komumst ekki á annan hátt að því hvort við missum yfirráð á okkar fiskimiðum eða hvort við eru að afsala sjálfstæði okkar sem þjóðar.Það er auðvitað rétt að eingöngu með ósk um viðræður getum við fengið svör við okkar spurningum.

Það er alveg rétt að það leysir ekki vandann núna en það hlýtur að þurfa að horfa til framtíðar.

Athugasemdir

[Halla Rut , 7.9.2008 kl. 14:59]

Ég er nú bara nokkur sammála þér.

Ég hef nú verið mjög hörð á móti aðild en ef sama ríkistjórn verður áfram þá neyðast margir til að endurskoða hug sinn. Henni er alla vega ekki treystandi til að taka á málum þannig að við lifum við svipum kjör og fólk í nágranna löndum okkar.

[Gunnar Rögnvaldsson, 7.9.2008 kl. 16:03]

Já Þjóðin hefði fyrr á árum átt að fara útí aðildarviðræður við Breta um hvort Íslendingar ættu ganga í 50 og 200 mílna fiskveiðilögsögu sína. Þá hefði íslenska þjóðin fengið að vita hvaða möguleikar væri í stöðunni, ekki satt? Þá hefði þjóðin fengið að vita um "kosti og galla" þess að hafa full umráð yfir auðlindum Íslands.

Allar gömlu bykkjurnar í þjómálaumræðu á Íslandi hafðu þá getað soðið niður kosti þess að semja við Breta, og allar aðrar þjóðir heimsins, um kosti þess að ganga til samningaviðræðna um auðlindir Íslands. Þetta hefðu þótt annarlegir hvatar til sjálfseyðingar á framtíðarmöguleikum íslensku þjóðarinnar. Sama gildir í þessari svokölluðu "Evrópu-umræðu" í dag. Hún er svo sprenghlægileg, en samt sorgleg, því stoppistöð vanþakklátra er orðin svo stór. Þið vitið hreinlega ekki hve heppin þið eruð að vera ekki með í sjálfseyðingarfélagi Evrópu, ESB

En ísland er samt með í Evrópu þó svo að sumir virðast ekki hafa tekið eftir því. En við erum einnig með í Ameríku, og restinni af heiminum. Það verður ekkert fyrir Íslendinga að sækja á efnahagssvæði ESB næstu árhundruðin, annað en stöðnun.

Kveðjur