FLOTTUR FÓTBOLTI

Þrátt fyrir að okkar lið spilaði á löngum köflum ágætan fótbolta töpum við fyrir Skotum. Það eru mörkin sem telja og bæði mörkin sem Skotar skora var raunverulega óþarfi að fá á sig.

Það er alveg með ólíkindum hvað okkar annars ágætu köppum tekst oft illa að nýta hrein dauðafæri.Þau telja svo lítið þegar upp er staðið dauðafærin sem ekki voru notuð.

Ekki hefur maður nú mikið vit á dómsgæslunni en á tilfinningunni hafð maður að dómarinn hefði verið sá lélegast á vellinum. Allavega sá maður undir lokin að hann hafði af okkur aukaspyrnu á hættulegum stað.

Eftir leikinn við Skotana horfði ég á leik Englendinga við Króata. Það var virkileg unun að sjá til enska liðsins hvernig það tók Króatan í bakaríið og unnu 4:1. Þessi sigur hlýtur að hafa verið sætur fyrir Englendingana eftir tapið fyrir Króötum á sínum tíma sem varð til þess að þeir komust ekki á EM.Í leiknum í kvöld var á ferðinni flottur fótbolti.

Skotar unnu nauman sigur

Athugasemdir

[Sigurður Eðvaldsson (IP-tala skráð) 11.9.2008 kl. 09:25]

Sammála hverju orði. Það er sérlega ámælisvert finnst mér að svona slakur dómari skuli vera falið það verkefni að dæma landsleik.