HVAÐ SEGJA SVEITARSTJÓRNARMENN Á SUÐURNESJUM ?

Ég hef alltaf haft það á tilfinnigunni að Jóhann R.Benediktsson væri að gera góða hluti sem lögreglustjóri á Suðurnesjum við erfiðar aðstæður.Það getur ekki verið auðvelt að vera lögreglustjóri á jafn stóru svæði. Það hefur gustað af Jóhanni og ég hélt að flestir hefðu verið sammála að árangurinn væri góður.

Það er ekki venjan að auglýsa yfirmannastöður hjá ríkinu á 5 ára fresti. Væri það reglan væri auðvitað ekkert við þá ákvörðun Björns dómsmálaráðherra að ræða. Það væri þá cerið að fara eftir reglum.

Nú er það ekki svo. Standi menn sig í embætti er ekki verið að auglýsa stöðuna þrátt fyrir að einhverjar breytingar verði á starfssvæðinu.

Mér finnst engan veginn hafa komið fram hjá Dómsmálaráðherra að um einhvern ágreining um starfsaðferðir eða annað sé að ræða,sem réttlætir það að gefa fyllilega til kynna að nærveru Jóhanns sé ekki óskað.Stæði til að hafa hann áfram í starfi væri óþarfi að auglýsa stöðuna.

Samkvæmt fréttinni hér er hætta á að aðrir hjá embættinu segi einnig af sér og ætti. Það getur varla talist álitleg staða og ekki líkleg til að ná árangri.

Það vantar allar skýringar frá Dómsmálaráherra hvers vegna það er nauðsynlegt að auglýa stöðuna með þeim afleiðingum sem það hefur í för með sér.

Hvað segja ráðamenn á svæðinu? Eru þeir sáttir við þessa stöðu?

Jóhann mun segja af sér

Athugasemdir

[Guðrún María Óskarsdóttir., 24.9.2008 kl. 00:38]

Komdu sæll.

Ég tel leitan að embættismanni sem hefur staðið sína pligt eins vel og Jóhann Benediktsson á Suðurnesjum og með ólíkindum ef dómsmálaráðherra ætlar að ýta honum frá borði undir formerkjum furðulegra stjórnsýslutilfæringa.

Viti dómsmálaráðherra ekki nú þegar að það grær sjaldnast um heilt varðandi slíkar aðferðir, þá er það miður.

kv.

[Hannes Friðriksson , 24.9.2008 kl. 12:58]

Blessaður Sigurður

Þetta er náttúrulega heit kartafla, og margir vinklar á því.Greinilegt er að ekki virðist vera samtarfsgrundvöllur á milli aðila, og ráðherrann telji sig svigrúm til að koma sínum málum í gegn. Jafnframt greinilegt að lengi hefur verið naumt skammtað til embættisins, og Jóhann barist fyrir auknum fjárveitingum, og virðist nú súpa seyðið af því, því ekki getur það verið vegna árangursins sem nærveru hans er ekki óskað.Einhvern veginn finnst mér þetta mál í raun vera komið í hnút sem erfitt gæti verið að leysa úr, og í raun barnalegt hvernig báðir aðilar hegða sér í því. Menn hljóta að geta talað saman og fundið einhverja sameiginlega niðurstöðu í stað þess að ætla að berja sín sjónarmið í gegn í krafti valds eða embætta.  

                                                                kveðja

[Sigurður Jónsson, 24.9.2008 kl. 15:30]

Já,ég er viss um að okkar ágæti Dómsmálaráðherra hefur ekki hugsað þetta til enda. Tek undir það að auðvitað á að leysa svona mál með viðræðum og finna lausn. Þessi uppákoma er ekki góð fyrir Suðurnesin.