ER UM ALLSHERJAR SVIKAMYLLU AÐ RÆÐA ?

Eftir því sem almenningur hlustar á fleiri fréttatíma og fær fleiri dagblöð í hendurnar verður spurningin sífellt áleitnari. Hvernig gat þetta gerst? Vissu höfuðpaurarnir í bankakerfinu og helstu útrásarvíkingarnir að hverju stefndi? Unnu þeir að því að koma fjármagni undan til að tryggja framtíðar lúxúslíf sitt .

Að undanförnu hafa verið birtar upplýsingar um ofurlaun og alls kona aukagreiðslur. Flestir vissu að um svimandi upphæðir var að ræða en sennilega hafa þær samt komið mörgum á óvart.

Myndabirtingar af sumarhúsavillum, villum erlendis, þotum og snekkjum hafa ekki síður vakið athygli.

Svo spyr almenningur. Hvar eru þessir aðilar núna? Eru allir flúnir land?

Þjóðin verður að fá það á hreint hvort einhverjir hafi komið fjármagni undan á ólöglegan hátt.

Rannsóknin hefur forgang

Athugasemdir

[Guðbjörn Guðbjörnsson, 22.10.2008 kl. 13:18]

Þetta er afskaplega ljótt að sjá og þarf af rannsaka af mikilli nákvæmni og hraða.

[Gáfnaljósið (IP-tala skráð) 22.10.2008 kl. 16:40]

HJÁLP ÉG SKIL EKKI HUGTAKIÐ MISTÖK 

Skilanefnd Glitnis segir að ef að í ljós kemur að mistök hafi verið gerð að hálfu gamla Glitnis muni hún gera allt sem í hennar valdi stendur til þess að leysa málið í samráði við Ekportfinans.

Þetta kemur fram í tilkynningu frá skilanefndinni vegna frétta um að Eksportfinans í Noregi hafi kært gamla Glitni banka.