Fáránlegt,hvernig sem á það er litið.

Hvort sem það er kallað að ríkissaksóknaro og fyrrverandi ríkissaksóknari eigi að kortleggja stöðuna eða rannsaka málið breytir það engu um tengsl þeirra við aðila. Synir þeirra beggja eru svo tengdir málinu að það getur ekki gengið. Það þarf ekki mikla spekinga til að sjá að feður geta ekki kortlagt eða rannsakað syni sína. Það væri allavegana skrítin fjölskylda ef það gæti gengið upp.

Það er engin að efast um hæfni Valtýs og Boga sem ágætra embættismanna en í þessu máli eru þeir vanhæfir. Eigi þeir að halda áfram mun þjóðin alltaf hafa uppi ákveðnar efasemdir. Það hlýtur því að vera nauðsynlegt að fá aðra aðila í málið. Það skiptir nefnilega öllu að nú verði unnið þannig að engin efist um hlutlausa rannsókn.

Fáránlegt er það einnig ef fréttir eru réttar að stuttu fyrir þjóðnýtingu Kaupþings hafi einhverjir starfsmenn þar fengið niðurfellingu á skuldum sínum vegna hlutabréfakaupa.

Þessi orðrómur sýnir betur en margt að það þarf að hraða allri rannsókn.

Björn Bjarnason: Ákveðinn misskilningur í gangi

Athugasemdir

[Guðmundur Ásgeirsson, 4.11.2008 kl. 01:41]

"Þetta er allt saman bara misskilningur!" - Georg Bjarnfreðarson

[Friðrik Hansen Guðmundsson, 4.11.2008 kl. 10:43]

Það sjá það allir menn að það gengur ekki á láta þessa tvo menn rannsaka störf sona sinna.

[Sigurður Þórðarson, 4.11.2008 kl. 11:40]

Þetta eru áreiðanlega hinir bestu menn en BB er ekki að gera þeim neinn greiða með því að leggjast í harða vörn. Það verður að hafa trúvverðuugleikann í lagi, nóg er nú samt.

[Kristján H Theódórsson, 4.11.2008 kl. 11:52]

Birni er nú vorkunn! Honum fannst sjálfsagt að hann einn af öllum mönnum dæmdi í hlerunarmálum fortíðarinnar , þar sem faðir hans var talinn spila stóra rullu!

Sá ekki neitt vanhæfi í sínum ranni að fjalla um þau mál!

[Horður (IP-tala skráð) 4.11.2008 kl. 12:24]

Sigurður nu erum við sammala.