Sirkuskúnstir hjá Samfylkingunni

Það hefur verið hreint út sagt alveg stórkostlegt að fylgjast með Samfylkingunni í ríkisstjórn þetta kjörtímabil. Það hlýtur að teljast til meiriháttar afreka að geta rekið þannig sirkusstarfsemi að vera bæði í ríkisstjórn og vera einnig utan hennar.

Nýjasta dæmið eru hugmyndirnar um að leggja niður Fjármálaeftirlitið í núverandi mynd og sameina það Seðlabankanum. Það á sem sagt að auka enn veldi Seðlabankans.Þetta hljóta að vera góð tíðindi fyrir Davíð Oddsson.

Samfylkingin ætlar að standa að þessu, en lætur það koma skýrt fram að hún treysti ekki Davíð Seðlankastjóra. Þannig á að taka undir með kjósendum sem ´Davíð burt. Samt ætlar Samfylkingin að færa Davíð aukin völd. Dálítið skrítin pólitíkin hjá Samfylkingunni,en hingað til hefur hún dugað vel.

Athyglisvert var að heyra í Sjónvarpinu í gær að ekki hefði tekist í margar vikur að fá viðtal við forstjóra Fjármálaeftirlitsins. Er hann ekki í vinnu hjá þjóðinni? Ber honum ekki að veita okkur upplýsingar?

Á sínum tíma var Þjóðhagsstofnun lögð niður. Nú stefnir í að Fjármálaeftirlitið verði lagt niður sem sjálfstæð stofnun. Alltaf getur Davíð bætt við sig verkefnum,þökk sé Samfylkingunni.

Ákvörðun tekin fljótt

Athugasemdir

[Júlíus Björnsson, 19.11.2008 kl. 15:38]

Staðfesting á vanhæfni og ábyrgðarleysi hennar. Fyrst þarf að leysamenn undan þagnarskyldu.  Játa mistök, biðjast afsökunar og efna til kosninga. Þjóðin mun vanda valið í þetta skiptið, reynslunni ríkari. Lífsreynda menn þarf í ráðherrastólanna. Lögfræðingar ættu alltaf að vera yfir dómsmálum og utanríkis málum þjóðarinnar. Velja skildi ráðherra með reynslu og faglega þekkingu á verksviði embættisins. Fer þessum "show busness" ekki brátt að ljúka.

[Margeir Ó. Þórðarson (IP-tala skráð) 19.11.2008 kl. 15:59]

Nei, Samfylkingin er að gera þetta í einhverjum flýti til að fela eitthvað misjafnt sem þeir hafa orðið uppvísir af. 

Það sjá allir það sem ekki eru heyrnarlausir að eitthvað er að.   Það er vægast sagt MJÖG grunsamlegt hversu mikið Samfó vill hraða þessu máli.

Nú liggur Samfó á að fela sín spor og fingraför og mikil örvænting ríkir því í þeirra herbúðum.

[Pétur Valsson (IP-tala skráð) 19.11.2008 kl. 19:54]

Mikið rosalega eigið þið Sjálfstæðismenn bágt þessa dagana. Ef þú fylgist með fréttum þá ættiru að hafa séð að þetta er hugmynd sem Geir sagðist hafa sjálfur hafa komið með. Það er ótrúlegt hvað hatrið út í Samfylkingu og almenning litar allan málflutning Sjálfstæðismanna. Alveg ótrúlegt að þessi flokkur skuli enn lifa.