Nú hlýtur Þórunn umhverfisráðherra að hlusta.

Sumir ráðherrar og þingmenn Samfylkingarinnar hafa sagt að það eigi að taka mark á skoðunakönnunum,þar komi vilji þjóðarinnar í ljós. Það verður því fróðlegt að heyra viðbrögð Þórunnar umhverfisráðherra við því að meirihluti þjóoðarinnar telur álver hafa jákvæð áhrif á efnahagslífið. Nú hlýtur Þórunn að fara eftir vilja meirihluta þjóðarinnar og samþykkja stóriðjuframkvæmdir.

Auðvitað gerir meirihluti þjóðarinnar sér grein fyrir að virkjanir og stóriðjuframkvæmdir spila mjög stóra rullu í að byggja upp sterkt efnahagslíf að nýju á íslandi.

Meirihluti telur álver hafa jákvæð áhrif á efnahagslífið

Athugasemdir

[Kommentarinn, 23.11.2008 kl. 14:50]

Spurt var hvort álver hafi góð áhrif. Auðvitað hafa álver almennt góð áhrif á þjóðarbúið eins og hver önnnur atvinna. Það þýðir ekki að fólki finnist öll álver allstaðar hafi góð áhrif

[Jóhann Pétur Pétursson, 23.11.2008 kl. 15:21]

Nei Kommentari, álverin hafa auðvitað misgóð áhrif á efnahagslíf þjóðarinnar eftir því hvar þau eru staðsett og hvaða umhverfisáhrifum þau valda. Þetta er svo kjánaleg fullyrðing að það tekur ekki nokkru tali. Auðvitað hafa öll álver góð áhrif á efnahagslífið. Spurningin um hvort að byggja eigi álver eða ekki hefur aldrei snúist um þetta. Hún snýst bara um hvort á góð áhrif á efnahagslífið vegi upp á móti mengunaráhrifunum sem að álver valda.

Annars er ég nokkuð viss um að Þórunn Sveinbjarnardóttir hlustar bara þegar henni hentar.

[Sveinn (IP-tala skráð) 24.11.2008 kl. 12:29]

Hugsið aðeins!

Álver hafa kannski góð áhrif á efnahagslífið ...en þau hafa hræðileg áhrif á stöðu heimila í landinu, stöðu þeirra sem skulda

Álver = stýrivextir hækka, verðbólga eykst

Álver = skuldir hækka

Þetta er nú allur sannleikurinn