Mótmæli og skrílslæti ekki það sama.

Ég hef sagt það í skrifum mínum að það sé mikill munur hvort staðið er fyrir mótmælum eða hvort eftnt til skrílsláta með skemmdarverkum. Ég hef sagt að ég skyldi ekki hvaða tilgangi það þjónaði að skemma tæknibúnað Stöðvar 2 og koma í veg fyrir lýðræðislega umræðu.Ég var heldur ekki ánægður með árás á Nornbúðina og velti fyrir mér hvert ástandið gæti leitt okkur. Það kom mér óvart að sjá viðbrögðin. Þá finnst sumum það sé allt annað mál. Það sé forkostnalegt að ráðast Nornabúðina. Það er meira að segja ýjað að því að hvítliðasveit Davíðs Oddssonar hafi staðið fyrir skemmdarverkunum. Þvílík taugaveiklun að ætla að kenna Davíð Oddssyni um þessi verk. Er ekki allt í lagi?

Vegna þess að ég hef þá bjargföstu skoðun að menn eigi ekki að beita ofbeldi og skemmdarverkum til að vinna málstað sínum framgang hef ég fengið yfir mig alls konar svívirðingar.Ég trúi ekki öðru en við viljum áfram byggja upp þjóðfélag þar sem við virðum skoðanir hvors annars og afgreiðum svo málin á lýðræðislegan hátt.Mér finnst t.d.mjög eðlilegt fólk mótmæli og óski skýringa og menn þurfi a sæta ábyrgð.

Ég er sár og reiður vegna ástandsins bæði út í bankana,útrásarmennina og menn skyldu bregðast í eftirlitshlutverkinu.Ég hef lagt áherslu á að Sjálfstæðisflokkurinn verði að fara í naflaskoðun og gera nauðsynlegar breytingar.Ég hef þá skoðun að við verðum að efna til kosninga í vor.Eftir öll ósköpin verður Alþingi að  fá nýtt umboð.Ég hef meira að segja gengið svo langt að segja að náist ekki breytingar og ef engin þurfi að axla ábyrgð hljóti það að leiða til þess að ný öfl komi fram í pólitíkinni.

Flest viljum við byggja upp nýtt og réttlátara samfélag á Íslandi. Það mun takast en ekki með skrílslátum og skemmdarverkum.

 

Mótmælaróður hertur

Athugasemdir

[Hilmar Hafsteinsson (IP-tala skráð) 3.1.2009 kl. 13:24]

Mæltu manna heilastur Sigurður minn. Ég tel þó rétt að allir núverandi flokkar á þingi fari í rækilega naflaskoðun, ekki bara Sjálfstæðisflokkurinn. Hins vegar væri viðeigandi að hann sýndi gott fordæmi.

[Gunnar Th. Gunnarsson, 3.1.2009 kl. 14:52]

Sammála Sigurður

[audurm (IP-tala skráð) 3.1.2009 kl. 15:23]

Tek undir með þér, Sigurður.  Ekki hvað síst þetta: " menn eigi ekki að beita ofbeldi og skemmdarverkum til að vinna málstað sínum framgang "

Og það fer nú að verða grátbroslegt hvað menn hafa Davíð Oddsson grunaðan um margt og mikið. Hystería hreint út sagt.

[Ari Guðmar Hallgrímsson, 3.1.2009 kl. 17:21]

Sæll Sigurður og gleðilegt ár, ágætur pistill, en ég átta mig ekki á skemmdunum á tæknibúnaði stöðvar 2. Eina sem ég hef séð er, c.a. 10-15 cm bútur af sviðnum leiðslum. Varla kostar tug milljónir að gera við það. Mér líkar ekki svona söguburður og það í ljósvakamiðli sem hefði átt hægt með að sýna okkur og sanna hvað skemmdist. Það bólar ekkert á neinu svoleiðis ennþá. Og þar með virðast Sigmundur Ernir og Ari Edvalds, vera ósanninda menn, og raunar þeir líka sem apa þetta upp eftir þeim gagnrýnislaust.

Með kveðju

[bergur svavars (IP-tala skráð) 3.1.2009 kl. 17:37]

Sigurður!!

Ég man eftir þér komandi frá Vestmannaeyjum með allt niðrum þig og flokkurinn hjálpaði þér á bak við tjöldin að gera þig að manni undir vængjum Fálkans.

Eflaust ertu að borga til baka núna.

Þú reynir að réttlæta húsbændur þína þessa daganna  en gasklefarnir verða vikjaðir áður.

[Gunnar Th. Gunnarsson, 3.1.2009 kl. 21:01]

Tækin sem skemmd voru, tók St2 á leigu frá Saga Film. Auk skemmda á tækjum var um verulegt tjón vegna þess að útsendingin var eyðilögð. Mikill kostnaður og vinna liggur í undirbúningi svona útsendingar.

[Sigurður Jónsson, 3.1.2009 kl. 23:57]

Merkilegt finnst mér hvernig sumir hafa brugðist við skrifum mínum.Ómerkilegur málflutningur sumra eins og ég sé einhver algjör hægri maður sem sjái ekkert athugavert við Sjálfstæðisflokkinn.Ég sé að launa einhverja bitlinga og annað í þeim dúr.Ég ehld þetta fólk hafi ekki lesið mín skrif.Ég hef gagnrýnt forystu Sjálfstæðisflokksins og sagt að flokkurinn verði að fara í naflaskoðun og axla ábyrgð. Ég hef gagnrýnt bankamennina,eftirlitsstofnanir,Seðlabankann og útrásarmennina.Ég hef sagt að við verðum að stokka upp kvótakerfið.Ég vil vera þátttakandi í að byggja upp nýtt Ísland án skrílsláta og skemmdarverka. Ég vil að við byggjum nýjan Sjálfstæðisflokk á sínum gömlu gildum en ekki nýfrjálshuggju og græðgi.Ég hef sagt að ég tilheyri hópi þeirra reiðu þó ég vilji ekki skrílslæti og sjái ekki ljósið í að fela Steingrími J.og Vinstri grænum forystuhlutverkið.

Mér finnst því slæmt að verða fyrir svívirðingum. Það á að vera hægt að skiptast á skoðunum án þess. Það er ekkert óeðlilegt við það að menn deili sé það gert á málefnalegan hátt.

[Gunnar Th. Gunnarsson, 4.1.2009 kl. 00:36]

Það er því miður algeng háttsemi huglausu nafnleysingjanna að vera með persónulegar svívirðingar.

[bergursvavarsson (IP-tala skráð) 4.1.2009 kl. 14:55]

Lesandi þetta rugl úr þínum huga er mann tætandi.

 Þú og nokkrir klikkaðir sjálfstæðismenn hafa gjörsamlega stútað nafni eða orði sjálfstæðis.

Þú ert ljóti álfurinn.