Garðskagi er staðurinn fyrir miðstöð fuglaskoðunar.

Á síðasta kjörtímabili flutti þáverandi meirihluti bæjarstjórnar í Garði tillögu þess efnis að unnið yrði að því að koma upp miðstöð fuglaskoðunar á Garðskaga. Tillaga þessi var samþæykkt samhljóða í bæjarstjórn. Í framhaldi af því skrifaði ég sem þáverandi bæjarstjóri í Garði bréf til menntamálaráðherra til að óska eftir samstarfi við ríkið um að koma upp aðstöðu til fuglaskoðunar og rannsóknaseturs.

Eftir að nýr meirihluti kom til sögunnar í Garði virðist þessu máli ekkert hafa verið fylgt eftir.

Ég er alveg sannfærður um að það væri alveg frábært að hafa aðstöðu til fuglaskoðunar og rannsókna á Garðskaga. Þar er fuglalíf gífurlega fjölbreytt og myndi örugglega laða að bæði ferðamenn og rannsóknaraðila.

Við eigum að vinna að svona málum. Það er jákvætt að sjá svona frétt þar sem sagt er að 20 milljónir Bandaríkjamanna fari í fuglaskoðunarferðir á hverju ári.Þarna eru miklir möguleikar á að markaðssetja fuglaskoðunarferðir´á Garðskaga.

Ég vona að bæjarstjórnin í Garði taki nú þessa tillögu upp aftur og drífi í því að byggja upp aðsöðuna sem gert var ráð fyrir í tillögu okkar F-listamanna frá síðasta körtímabili. Nú á Garðurinn þingmann í Fjárlaganefnd,þannig að við megum vænta góðs stuðnings við tillöguna frá ríkisvaldinu.

Sleppm ekki þessu tækifæri til atvinnuuppbyggingar í Garðinum, sem koma sér vel fyrir svæðið og landið allt.

Mikið markaðsátak í fuglaskoðun

Athugasemdir

[Baldur Hermannsson, 23.5.2009 kl. 14:09]

Er landslag og umhverfi þarna nógu fallegt og fjölbreytt til að laða til sín ferðamenn? Ég fer oft út á Reykjanes og þar er víða snoturt, td í Básendum og eins er gaman að tölta meðfram golfvellinum. En það er varla hægt að kalla þetta náttúruperlu og svo er aðgengi víðast takmarkað.

[Sigurður Jónsson, 23.5.2009 kl. 14:40]

Jú,Garðskagi er einstaklega fallegur staður. Útsýni þar er ægifagurt og sólarlagið er hreint dásamlegt.Mínar hugmyndir voru að þarna myndi rísa skemmtilegt hús,þar sem fólk hefði góða aðstöðu til fuglaskoðunar og að einnig væri komið upp rannsóknaraðstöðu fyrir vísindamenn.

Á Garðskaga er skemmtilegt veitingahús og framundan er bygging á glæsilegu hóteli í Garðinum. Aðstað öll verður þvó frábær.

Baldur,þú munt örugglega hrífast baf staðnum.

[Baldur Hermannsson, 23.5.2009 kl. 18:24]

Tja stríðni, alla vega ekki bara stríðni :) Mér finnst gaman að fara út á nesið en ég vildi að það væru nokkrir staðir sem hægt er að rölta um, segjum 2-3 kílómetra, í fallegri náttúru. Við Jóna förum út í vitana báða og það er faman að rölta upp á bjargið hjá Reykjanesvita og ég er stundum að velta fyrir mér hvort ekki sé þarna snotur gönguleið austur af bjarginu. Landsvæðið er fallegt þar sem golfvöllurinn er núna - hét það ekki Kirkjuból fyrrum?