Ekki sameining í náinni framtíð.

Ráðherra sveitarstjórnarmála hefur boðað að unnið verði að því að sameina sveitarfélög enn frekar.Hér í Sveitarfélaginu Garði hefur verið tekist á um það hvort við værum betur sett með því að vera hverfi í Reykjanesbæ. Íbúar hafa ávallt hafnað því í atkvæðagreiðslu með miklum mun.

Þessi mál voru rædd á síðasta bæjarstjórnarfundi Sveitarfélagsins Garðs. Það er virkilega ánægjulegt að sjá að nú ríkir full samstaða um þessi mál því sameiningarspurningu er svarað með þeim hætti að ekki standi til að sveitarfélagið sameinist öðrum í náinni framtíð.