Tap,tap,tap,tap.

Það hefur verið nóg að gera um helgina að fylgjast með mínum liðum í knattspyrnunni. Ansi varð nú uppskeran rýr hjá mínum mönnum. Tottenham tapaði sínum fyrsta deildarleik,þannig að við stuðningsmenn liðsins komumst niður á jörðina. Satt best að segja fylltist maður bjartsýni strax á fyrstu mínútu en niðurstaðan varð svo tap fyrir MU. Það gengur bara betur í næsta leik.

Víðir  tapaði fyrir Gróttu nokkuð illa,en sem betur fer siglir Víðir nokkuð lygnan sjó um miðja deildina og getur sett vstefrnuna á betri árangur næsta sumar.

Æ,æ, skelfing var leiðinlegt að hora á ÍBV tapa hressilega illa á móti FH. Byrjun ÍBV í leiknum var góð,en það þarf að skora mörk. Falldraugurinn er því enn til staðar hjá ÍBV, en liðið verður að næla sér í stig í næsta leik. ÍBV er alltof gott lið til að falla í fyrstu deild. Það er svo mikið atriði fyrir stað eins og Vestmannaeyjar að eiga lið í efstu deild. Það tekst vonandi.

Svo var ég að vona að Keflavík gæti bætt fyrir slakt gengi í sumar og náð að komast í úrtslit í bikarnum. Það tókst ekki.

Niðurstaða helgarinnar hjá þeim liðum sem ég hélt með var því, tap,tap, tap og tap.