Hvers vegna má ekki birta bréfin?

Fréttablaðið greinir frá því að forsetaembættið neiti að afhenda 17 bréf til birtingar sem Ólafur Ragnar forseti skrifaði til útlendinga og varðaði útrásina. Forsetinn fer fram á 30 ára leynd.

Þetta hlýtur að vekja upp ýmsar spurningar. Hvers vegna vill Ólafur Ragnar að skrif hans til stuðnings útrásarliðinu komi ekki fyrir almenningssjónir.

Hingað til hefur nú Ólafur Ragnar viljað vera í sviðsljósinu og segja frá hversu hátt hann sé metinn meðal erlendra þjóðhöfðingja og annarra ráðamanna í heiminum.

Hvað er það í bréfunum sem að mati forsetans almenningur má alls ekki fá að sjá?

Málið er að þetta eru engin prívat bréf heldur eru þau skrifuð í nafni forsetaembættisns og þar með raunverulega fyrir hönd okkar allra.