Steingrímur J. samþykkti að útlendingar mættu eiga í íslenskum sjávarútvegsfyrirtækjum.

Vinnubrögð ráðherra VInstri stjórnarinnar verða sífellt undarlegri. Þeir hamast við að gagnrýna að erlendir aðilar´eigi í íslenskum fyrirtækjum. Vinstri grænir halda margar tilfinningaræður um það hversu skaðlegt það sé að fá erlenda fjárfestingu í landið.

Nú hafa fjölmiðlar upplýst að á sínum tíma samþykkti Steingrímur J. formaður VG að útlendingar mættu eiga allt að 49% í sjávarútvegsfyrirtækjum.

Hvernig eiga landsmenn að taka nokkurt mark á ráðherrum Vinstri grænna.

Er Jóhanna að boða kommaríki. Notar lögreglu til að fjarlægja einn friðsaman mótmælanda

Ekki er nú hátt risið á Jóhönnu Sigurðardóttur forsætisráðherra þessa dagana. Samkvæmt fréttum í kvöld var eina kona að mótmæla fyrir utan stjórnarráðið, með spjöldum og brauðmálum sem sílamávar komu og átu. Þetta virðist hafa reynt svo á taugar forsætisráðherrans að hún lét kalla út lögreglulið til að fjarlægja konuna. Jóhanna ætlar sýnilega að beita lögregluvaldi til að koma í veg fyrir öll mótmæli. Þetta minnir á stjórnarfarið í kommúnistalöndunum þar sem mótmæli við stjórnina eru ekki liðin.

Mér varð nú hugsað til þess hvað hefði gengið á ef Geir Haarde hefði beitt lögreglunni á þennan hátt gegn einum mótmælanda að maður tali nú ekki um ef Davíð Oddsson hefði gripið til svona aðgerða.

Varlla hefr nú þessi eina kona fyrir utan skrifstofu Jóhönnu ógnað hagsmunum þjóðarinnar með því að halda á lofti einhv erjum mótmælaspjöldum.

Reyndar má vel vera að skýringin á taugaveiklun Jóhönnu sé sú að hún sér það á orðunum sem á spjöldunum standa hversu hressilega hún hefur svikið það sem hún áður boðaði.

Væntanlega hefur það truflað hennar vinnufrið og því var skósveinninn sendur til að ná í lögregluna til að fjarlægja þennan eina mótmælanda.

Já, það er kominn virkilegur titringur og skljálfti á stjórnarheimili hinnar tæru Vinstri stjórnar.

Jón Bjarnason ótvíræður sigurvegari sem mesti afturhaldsmaður Íslands.

Rosalegt að heyra í Jóni Bjarnasyni landbúnaðarráðherra. Ætli það sé til meiri afturhaldsmaður á öllu Íslandi en Jón. Landbúnaðarráðherra virðist vilja færa allt aftur um nokkra tugi ára,þannig að engin samkeppnui megi eiga sér stað í landbúnaðinum. Í hans augum skiptir það engu þótt neytendur verði að borga brúsann í hærra verði á landbúnaðarvörum.

Auðvitað þarf að stokka þessi búvörulög upp og samræma hagsmunum neytenda í ríkara mæli.

Allsherjar endurskoðun búvörulaga óhjákvæmileg

Jæja Gylfi, hvar er pokinn?

Sjaldan hefur maður orðið vitni að eins lélegri frammistöðu ráðherra og í Kastljósi kvöldsins. Það var hreint ömurlegt að sjá og hlusta á Gylfa Magnússon viðskiptaráðherra. Gylfi reyndi að snúa útúr spurningum Helga fréttamanns en tókst það með afburðum illa.

Finnst ráðherra virkilega ekkert athugavert við það að yfirlögfræðingur ráðuneytisins hafi ekki látið hann vita um mikilvægt lögfræðiálit frá Seðlabankanum. Finnst ráðherra allt í sómanum að hafa gefið Alþingi villandi upplkýsingar.

Ráðherra gat ekki viðurkennt að þetta mál væri allt ömurlegstjórnsýlsa. Ráðherra ber ábyrgð á sínu ráðuneyti. Að það skuli koma í ljós að starfsmenn eru eitthvað að bauka með niðurstöðu sem gat skipt sköpum og láta ráðherra ekki einu sinni vita af því.

Það er spurning hvernig Alþingi hefði brughðist við ef það heefði fengið upplýsingar um lögfræðiálit frá Seðlabankanum,þar sem fram kom að gengistryggimng lána væri ólögleg.

Það er eins og viðskiptaráðherra telji þetta allt saman ósköp léttvægt mál. Það er eins og hann geri sér ekki grein fyrir að lánin skipta tugþúsunda heimila í landinu miklu máli.

Það getur hreinlega ekki verið að allt verði við það sama í ráðuneytinu. Það hljóta einhverjir að þurfa að taka pokann sinn.

Mátti ekki dreifa minnisblaði

Vilja Vinstri menn ekki Spaugstofuna?

Alveg er það hreint með ólikindum ef blása á af Spaugstofuna á RUV, sem er einn al vinsælasti sekmmtiþáttur,sem þar er sýndur. Áhorf hefur ekkert minnkað þrátt fyrir að þátturinn sé búinn að vera lengi á dagskrá.

Fólk verður að láta uppi sína skoðun,þannig að RUV endurskoði þessa ákvörðun.

Er það kannski svo að Vinstri stjórnin þoli illa gagnrýnina, sem fram kemur í Spaugstofunni. Það er allavega óskiljanlegt að æla að fella niður einn vinsælasta þátt Sjónvarpsins.

Engin Spaugstofa í vetur

Hvenær veit Jóhanna eitthvað?

Á þeim stutta tíma sem Jóhanna Sigurðardóttir hefur verið forsætisráðherra hefur það marg oft komið fram varðandi mikilvæg mál að Jóhanna upplýsir að hún hafi ekki vitað eða ekki heyrt af málinu.

Er þetta boðlegt? Eitthvað mikið hlýtur að vera að í stjórnkerfinu og ríkisstjórninni.

Vissi ekki um lögfræðiálitið

Vissi Gylfi eða vissi Gylfi ekki?

Stjórnsýslan getur verið hreint og beint ótrúleg. Eigum við virkilega að trúa því að Gylfi viðskiptaráðherra hafi ekki fengið vitneskju um lögfræðiálitið sem Seðlabankinn fékk,þar sem gengislánin eru sögð ólögleg.

Getur verið að svo slæmt ástand sé á milli núverandi seðlabankastjóra og viðskiptaráðherra?

Eigum við virkilega að trúa því að Gylfi hafi ekkert vitða?

Svo kemur í ljós að yfirlögfræðingur Viðskiptaráðuneytisins vissi af þessu lögfræðiáliti sem segir gengislánin ólögleg. Töluðu þeir ekkert saman yfirlögfræðingur ráðuneytists og  ráðherrann.

Eigum við almenningur í landinu virkilega að trúa því að þetta sé allt satt og eðlilegt?

Vissi ekki af áliti Seðlabankans

Hvernig væri að skjóta Jóni Gnarr úr fallbyssu ?

Jón Gnarr,borgarstjóri, er mikið fyrir að vekja á sér athygli og vera í sviðsljósinu fyrir eitthvað annað en beint borgarstjórastarfið.

Nú veltir borgarstjóri upp hvort rétt sé að hætta við flugeldasýningu á menningarnmótt. Margir myndu örugglega sakna þess verði það raunin.

Aftur á móti gæti Jón Gnarr tekið upp það sem oft sést í sirkus þ.e. að láta skjóta sér hátt í loft upp úr fallbyssu. Hann gæti þá svifið niður í sjálfslýsandi búningi eða haldið á skæru blysi.

Jón Gnarr vill vera í einhverjum hlutverkum svo þarna er örugghlega eitthvað sem myndi vekja athygli og erlendar fréttastofur slá upp. Fyrsti borgarstjóri í heimi sem skotið er úr fallbyssu.

Flugeldasýningin bruðl?

Er nauðsynlegt að hafa þjóðkirkju?

Oft hef ég velt því fyrir mér hvort það er nokkur nauðsyn að hafa þjóðkirkju þar sem ríkið heldur úti allri starfseminni með sérstökum sköttum. Reyndar þarf svo að greiða aukalega fyrir alla þjónustu kirkjunnar fyrir utan venjulegar messur.

Væri ekki mun vitlegra að fólk hefði bara frjálst val hvort það vildi vera í einhverjum ákveðnum söfnuði eða bara alls ekki. Kirkjustarfið væri þá greitt af safnaðarfólkinu sjálfu án styrkja frá ríkinu.

Spurning hvort það kæmi bara ekki mun betra kirkjustarf útúr slíku fyrirkomulagi.Hættan er alltaf sú að þar sem ríkið er verði alltof mikið bákn.

Reyndar eru þetta nú vangaveltur hjá mér og ég er reyndar ekki sannfærður hvort við gætum sleppt því að hafa þjóðkirkju og hætt öllum beinum styrkjum.

Gaman að velta þessu upp og sjá ykkar álit.

Ekkert svigrúm til að hlífa kirkjunni

Er Hreyfingin að stækka?

Eftir að rugludallurinn Þráinn Bertelsson sagði skilið við félaga sína sem komaust á þing fyrir Borgarahreyfinguna varð til alvöru stjórnmálahreyfing þ.e. Hreyfingin. margt athyglisvert hefur komið frá þremur þingmönnum flokksins. Þau hafa veitt sterkt aðhald og bryddað á ýmsum athyglisverðum málum.

Nú heyrast fréttir að hugsanlega sé Hreyfingin að stækka, þar sem Lilja Mósesdóttir þingmaður VG hefur alls ekk útilokað að hún sé tilbúin að ganga til liðs við Hreyfinguna. Væntanlega myndu fleiri úr órólegu deild Vinstri grænna fylgja Lilju.

Hvað sem verður varðandi Hreyfinguna er öllum ljóst að Vinstri grænir eru að klofna. Hin tæra Vinstri stjórn er ekki tærari en það að hún er í minnihluta.

Það er því rökrétt að á fyrstu dögum Alþingis í haust verði borin fram vantrausts tillaga á ríkisstjórn Jóhönnu Sigurðardóttur. Þingmenn Vinstri grænna veða þá að gera upp við sig hvort þeir ætla að syðgja þessa ríkisstjórn eða ekki. Það tekur engin mark á órólegu deild Vinstri grænna ef þeir eru með upphlaup öðru hvoru þar sem þeir trelja Vinstri stjórnina vera að gera rangt en halda svo sífellt áfram að styðja stjórnina og kyngja öllu.

´Það er því stóra spurningin hvort Hreyfingin fær verulegan liðstyrk í haust.