Sigmundur Davíð alltaf jafn jákvæður eða þannig.

Alveg er ég viss um að Simundur Davíð gengur stundum of langt í sinni neikvæðni. Auðvitað þurfti að reika hvað þessi og hin leiðin myndi kosta til að hægt sé að leysa úr vandamálum heimilinna. það sem gagnrýn má er hversu seint þessir útreikningar eiga sér stað.

Mun málefnalegri er afstaða Ólafar varaformanns Sjálfstæðisflokksins, sem fagnar þessum 9 valkostum og útreikningum.

Nú hlýtur allt að vera komið á borðið þannig að Alþingi geti tekið á málinu og fundið einhverja skynsamlega leið til að koma á móts við illa stödd heimili.

Alþingi getur ekki gefið sér langan tíma til að ná niðurstöðu.

Útreikningar sem ekkert segja

Fljúgandi furðuhlutur að sækja Jón Gnarr?

Á visi.is birtist mjög athyglisverð um myndir sem Íslendingur tók af fljúgandi furðuhlut. Mér finnst mjög líklegt að það sé að gerast um þessar mundir að geimverum finnist óþægilegt að Jón Gnarr skuli hafa upplýst alþjóð um að hann sé geimvera. Það eru því miklar líkur á að skyldfólk hans utan úr geimnum hafi ákveðið að nú væri rétti tíminn til að sækja Jón Gnarr og koma honum að nýju til sinna heima og í sitt raunverulega umhverfi.

Íslenska geimverufélagið hefur reyndar neitað tilveru Jóns Gnarr sem geimveru og hefur Magnús Skarphéðinsson gefið yfirlýsingar þess efnis. En það vita nú allir að Magnús er bróðir Össurar utanríkisráðherra og hann vill því ekki koma af stað milliheima deilu.

Já, það verður spennandi að fylgjast með þessum fljúgandi furðuhlutum og hvort Jón Gnarr yfirgefur borgarstjórastólinn. 

Það á að leysa vandamálið en ekki gefast upp.

Siglingar milli Eyja og Landeyjahafnar eru gifurleg samgöngubót. Það msýndi sig í sumar að þetta gjörbreytti öllu í Eyjum. Því miður hafa nú komið upp vandamál, þannig að margar ferðir hafa fallið niður. Auðvitað gengur það ekki, en ekki einn einast maður leggur til að skipstjóri Herjólfs taki einhverjar áhættur við siglingar inní Landeyjahöfn. Ástæðan fyrir niðurfellingu ferða er sögð vera fyrst og fremst að ekki er hægt að halda nægjanlegu dýpi vegna ófullkominna dæluskipa.

Nú er það ekki boðlegt af hálfu samgönguyfirvalda að ekki sé hægt að útvega nógu öflugt dæluskip sem getur athafnað sig í og við höfnina í meiri vindi heldur en nánast logni.

Hafi ríkissjóður efni á að eyða 90 milljónum í daglangan fund, hlýtur það að vera krafa Eyjamanna og annarra landsmanna að hægt sé að nota þá miklu samgöngubót sem Landeyjahöfn er.

Það er ekkert einsdæmi að kosta hafi miklu til dælingar í höfnum landsins. Svo hljóta menn að þurfa að hraða því að fá hentugra skip til siglinga,eins og gert var ráð fyrir í upphafi.

Það kostar einnig heilmikið fyrir Vegagerðina að halda þjóðvegum landsins opnum yfir vetrarmánuðina til að íbúar hinna dreifðu byggða geti ferðast um á eðlilegan máta.

Eyjamenn eiga þá kröfu á ríkissjóð að allt verði gert til að halda þessari siglingaleið opinni allt árið.

 

Vilja loka Landeyjahöfn tímabundið

Laun kennara verða að hækka.

Flestir ef ekki allir eru sammála um að kennarastarfið sé eitt mikilvægasta starf sem til sé. Það skiptir okkur öll svo miklu máli að í skólanum starfi hæfir kennarar. Lengi býr að fyrstu gerð stendur skrifað. Frá unga aldri sækja börn skóla og það skiptir svo gríðarlega miklu hvernig til tekst bæði á leikskóla í kennslustofunni. Þetta viðurkenna allir. Á góðum stundum tala menn um kennara sem lykilfólk í samfélaginu. En eru svo launakjör í samræmi við ábyrðina og mikilvægi starfsins? Svarið er hreint og beint stórt NEI.

Það er með ólíkindum að launakjör kennara séu eins léleg og raun ber vitni. Kennarar með góða menntun og langan starfsaldur skríða rétt yfir 300 þús. á mánuði. Auðvitað sjá það allir að þetta gengur ekki.

Sveitarfélögin hafa lagt á það mikla áherslu á síðustu árum að bæta kennsluaðstöðu og ýmsan búnað í skólanum. Allt er það gott og blessað, en höfuðmáli skiptir samt að góðir kennarar starfi við stofnunina.

Sveitarfélögin eiga því nú og á næstu árum að leggja höfuðáhersluna á að bæta kjör kennarara.

Miðað við það sem allir viðurkenna um mikilvægi kennarastarfsins hlýtur að vera hægt að vinna því hljómrgunn meðal þegna allra sveitarfélaga að launakjör kennara verði bætt myndarlega.

Kennarar hafna kjarasamráði

Eitt skref enn í áttina að ESB í boði Vinstri grænna.

Framkvæmdastjórn ESB segir í skýrslu að Ísland uppfylli öll pólitísk og efnahagsleg skilyrði til að gerast aðili að ESB.

Við erum sem sagt að nálgast ESB skref fyrir skref í aðlöguninni. Allt er þetta í boði VG.

Í skýrslunni fullyrðir svo framkvæmdastjórn ESB að stuðningur við samningsferlið fari vaxandi á Íslandi.

Merkilegt hvernig framkvæmdastjórn ESB getur fullyrt þetta, þar sem kannanir hafa bent í allt aðra átt. Hingað til hafa kannanir bent til þess að meirihluti þjóðarinnar væri á móti inngöngu í ESB.

Ef til vill hefur framkvæmdastjórnin aðeins aflað upplýsinga hjá Össuri utanríkisráðherra. Hann hefur væntanlega sagt mönnum að anda rólega, þjóðin myndi á endanum samþykkja ESB og ekki þyrfti að hafa áhyggjur af þingliði VG.

Efnahagsleg skilyrði uppfyllt

Menn hefðu betur hlustað á Davíð Oddsson.

Fjölmiðlar eru nú farnir að greina zfrá ýmsu sem stendur í bók Björgvins G.Sigurðssonar fyrrverandi bankamálaráðherra.

Sagt var frá því í hádeginu að Björgvin segir frá því þegar Davíð mætti á fund ríkisstjórnarinnar þegar allt var að hrynja. Björgvin segir frá því að Davíð hafi sagt í lok fundar að hafi nokkru sinni verið þörf á þjóðstjórn væri það nú.

Á þeim tíma vildu menn alls ekki hlusta á þessi orð Davíðs hvað þá heldur fara eftir þeim.

Hefðu menn borið gæfu til að mynda þjóðstjórn á sínum tíma væru hlutirnar örugglega öðruvísi en staða þeirra er nú.

Allavega hefði það verið mikil gæfa fyrir íslenska þjóð að hlusta og fara eftir orðum Davíðs í stað þess að sitja uppi með óhæfa Vinstri stjórn.

Jón Gnarr í viðtali: Ég, um mig, frá mér, til mín.

Flestir geta verið sammála að ýmsu má breyta í stjórnmálum landsins. Margt hefur farið úrskeiðis og margir binda vonir við að vinnubrögðin verði öðruvísi og betri í framtíðinni.

En liggi betri vinnubrögðin hjá Jóni Gnarr tel ég menn fara úr öskunni í eldinn.

Mér fannst nöturlegt að heyra viðtalið við hann í Kastljósinu. Hjá Jóni Gnarr snerist allt um hans eigin persónu. Hann var miðpunkturinn í öllu. Allt átti að snúast um hann og hans líðan.Aðalatriðið er auglýsingamennska um sjálfan sig, væntanlega til að tryggja aðgang að bíómyndinni.

Eru þetta virkilega svona stjórnmál sem menn vilja fá?

Einræðisherrann í VG ræður. Þingmenn flokksins fá kynningu eftir ákvörðun.

Forystumenn Vinstri grænna gefa það út að þeir elski lýðræðið. Af þeirri ástæðu segjast þeir t.d. vilja vera í aðlögun að ESB og svo fái þjóðin að greiða atkvæði.

Það er því merkilegt að heyra hvernig þeir standa að málum varðandi AGS. Upplýst hefur verið af Lilju Mósesdóttur þingmanni VG að vinnubrögðin séu þannig að Steingrímur J. segir þingmönnum VG að nú sé búið að ákveða að framlengja samninginn við VG. Hann kynnir svo væntanlega eitthvað innihaldið. Lýðræðislegu vinnubrögðin innan VG eru sem þannig að formaðurinn segir hvað sé búið að gera. Þingmennirnir hafa ekkert um það að segja hvort framlengja á eða ekki.

Ekki skil ég þá þolinmæði sem Lilja Mósesdóttir sýnir einræðisherranum í VG.

Samstarf við AGS var rætt á fundum VG

Vonandi jákvætt skref hjá ríkisstjórninni.

Merkilegt og sögulegt. Ríkisstjórn Jóhönnu og Steingríms J. fundaði á Suðurnesjum og átti fund með bæjarstjórum á svæðinu.

Aðalatriði þessa fundar var viljayfirlýsing ríkisstjórnarinnar að vilja vinna með heimamönnum að atvinnuuppbyggingu og fleiri atriðum, sem varða hag Suðurnesjafólks.

Vonandi er hér verið að stíga jákvætt skref.

Gæslan jafnvel flutt á Miðnesheiði

Fjárlagafrumvarp Vinstri stjórnarinnar gerir ráð fyrir að um 500 missi vinnuna á landsbyggðinni.

Á fallegum stundum leggja stjórnmálamenn mikla áherslu á hversu miklu máli landsbyggðin skipti fyrir okkur öll. Stjórnmálamenn leggja áherslu á að ekki gangi upp að öll þjóðin búi á Reykjavíkursvæðinu. Á landsbyggðinni séu sköpuð verðmæti bæði til sjávar og sveita. Við verðum að vernda landsbyggðina.

Allt er þetta ofsalega fallegt. En hvað leggur svo vinstri stjórnin til? Niðurskurður skal verða svo heiftarlegur á landsbyggðinni í heilbriðgisþjónustu að um 500 manns missa vinnuna. Gangi þetta eftir verður flótti af landsbyggðinni á Reykjavíkursvæðið. Er það virkilega vilji hinnar norrænu velferðarstjórnar að kippa grundvellinum gjörsamlega undan landsbyggðinni?

Það er með ólíkindum að ráðherrum í Vinstri stjórninni skuli láta sér detta í hug að þetta geti gengið.

Þetta má hreinlega ekki gerast.

 

634 gætu misst störf sín