Hugmynd um viðmælendur í Silfur Egils.

Það er að koma betur og betur í ljós að ýmsum viðvörunarbjöllum var hringt og gefið til kynna að íslensku bankarnir stæðu illa og veruleg hætta væri á ferðum. Almenningur hefur ekki enn fengið skýr svör við því hvers vegna ekkert var gert til að koma í veg fyrir ósköpin.

Það væri fróðlegt ef Egill Helgason myndi fá fyrrverandi bankálaráðherra þau Valgerði Sverrisdóttur og Björgvin G.Sigurðsson til að setjast saman við borðið í Silfri Egils og fara yfir þessi mál.

Það eru þessir tveir fyrrverandi ráðherrar sem voru yfirmenn bankanna og eftirlitsstofnana. Hvað brást svona herfilega á þeirra vakt.

Ef Egill fær þau saman í Sifur Egils yrði það örugglega fróðlegt fyrir landsmenn að þau upplýstu hvernig allt hrunið gat átt sér stað.

Athugasemdir

[Davíð Löve., 24.3.2009 kl. 00:32]

Heyrðu, ekki gleyma stjórn Seðlabankans. Af hverju gerðu þeir ekkert í málunum. Þeir töluðu eingöngu við flokksfélagana virðist vera. Geir á einkafundum. Björgvin virðist hafa verið hunsaður með öllu.

[Friðrik Hansen Guðmundsson, 24.3.2009 kl. 00:42]

Það fengist ekkert upp úr þeim. Ég er ekki viss um að þau séu enn alveg með á því sem hér hefur átt sér stað.

[Guðrún Jónína Eiríksdóttir, 24.3.2009 kl. 01:35]

Þau flutu örugglega að sama feigðarósi eins og við hin. Kveðja frá Sillu systir. (En það væri gaman að fá svör.

[petur (IP-tala skráð) 24.3.2009 kl. 10:36]

Þetta er ágætistillaga frá þér Sigurður.  En væri ekki rétt að Geir Harde sem var yfirmaður efnahagsmála á Íslandi mætti líka.  Þá væri ekki verra að sjallað væri við Ingibjörgu Sólrúnu og Árna Matt þau munu hafa hlustað á febrúar skýrslu Seðlabankans.  Datt þetta svona í hug til að gæta fyllsta rétlætis.

[Tómas Ibsen Halldórsson, 24.3.2009 kl. 10:57]

Allt það fólk sem að ofan er nefnt og fleirri til ættu að koma í opna yfirheyrslu þing- eða rannsóknarnefndar, þar sem það er krafið svara við hinum ýmsu spurningum.  Slíkar yfirheyrslur gætu tekið nokkra daga í sumum tilfellum.  Slíkt er gert í BNA og ætti að taka upp hér. 

Í svona yfirheyrslur ættu að koma bankastjórarnir fyrrverandi, aðrir háttsettir bankamenn, stjórnarmenn bankanna, forstjórar fyrirtækja Baugs, Stoða/FL, Exista o.fl. o.fl.

Bestu kveðjur,