Bannaði Bjarni Benediktsson birtingu viðtals í Mogganum. Bjarni upp með pennann og skýringu takk.

Ég var undrandi að sjá og heyra í fréttum að Bjarni formaður Sjálfstæðisflokksins hefði bannað birtingu á viðtali við sig í Sunnudagsmogganum nú í haust. Ástæðan er sögð að Bjarni hafi verið óánægður með áherslur blaðamannsins í viðtalinu.

Ég hreinlega trúi þessu ekki. Það væri skelfileg ef þetta væri rétt. Formaður stjórnmálaflokks gæti hreinlega ekki leyft sér að vinna svona.

Það er slæmt fyrir Bjarna að fá þetta beint ofaní frétt þess eðlis að hann hafi óskað eftir að hætt væri að fjalla um sigf í DV, Ég legg nú reyndar ekki mikinn trúnað á það sem stendur í DV eða orð Hreins Loftssonar. Engu að síður óheppilegt fyrir Bjarna að upplýst skuli vera um þessi vafasömu viðskipti hans við blaðamann Moggans. Morgunblaðið er jú allt annað en DV.

Bjarni nú ætlumst við Sjálfstæðismenn til þess að þú takir upp pennann og gerir grein fyrir þessu viðtali sem aldrei var birt.