Vinstri grænir. Jarðýtuna á verksmiðju Elkem á Grundartanga.

Ekki nægir það Steingrími J. og félögum í VG að framkvæma stopp stefnu hvað varðar uppbyggingu stórra fyrirtækja. Nei, nú skal einnig ráðist að þeim fyrirtækjum sem eru starfandi. Nú skal settur svo myndarlegur viðbótarskattur á þau að rekstrargrundvöllur verði ekki lengur til staðar.Það veður ansi hressilegt kjaftshögg fyrir starfsmenn járnblendisverksmiðjunnar þegar öllu verður skellt í lás. Nokkur hundruð missa vinnuna. Kannsi ætlar Steingrímur J. að útvega nokkrum vinnu tímabundið við að rífa mannvirkin niður.

Hvað er það eiginlega sem gengur á í heilabúi forystu Vinstri grænna. Á hverju á almenningur að lifa ef stórfyrirtæki mega ekki starfa hér hvað þá að ný verði byggð?

Hundruð myndu missa vinnuna

Verður nýjasta skattheimtan, svefnmælir við hvert rúm?

Skattpíningarstefna Steingríms J. og félaga í vinstri stjórnin á sér engin takmörk. Það eru örugglega nokkrir starfsmenn í Fjármálaráðuneytinu sem eru í fullu starfi viðö að finna upp nýja möguleika á innheimtu skatta. Allir skattstofnar sem til eru hafa verið hækkaðir og sífellt er verið að bæta við nýjum skattstofnum.

Það er eðlilegt að ungt fólk pakki niður og flytji til Noregs eða annarra landa í leit að betri lífskjörum.

Nú skulu allir sem gista í svefnpokaplássi eða rúmi á gistiheimilum og hótelum greiða skatt fyrir hverja nótt.+

Við megum væntanlega búast við því að áfram verði haldið og farið að innheimta skatt á öllum heimilum landsins og rukka okkur fyrir hverja nótt sem við sofum. GVið fáuum sennilega svefnmæli við hvert rúm og þurfum að skrá þegar við förum í rúmið og svo aftur þegar við vöknum. 

Á þennan hátt verður hægt að rukka okkur um klukkutímagjald fyrir þann tíma sem við eyðum í lúxusinn að sofa.

Þetta gæti gefið Steingrími J. nokkrar millur í ríkisskassann og að auki skapað þó nokkur störf við að lesa af mælunum. Já, skattheimta vinstri manna á sér engin takmörk.

 

Gistináttagjald á svefnpoka

Sjálfstæðisflokkurinn þarf ekki að hafa áhyggjur svo lengi sem Björn Valur lætur í sér heyra.

Áfram með þig Björn Valur.Haltu endilega áfram að láta í þér heyra og skrifa í þeim dúr sem þú gerir. Haltu áfram bulluskrifum þínum og óhróðri um Sjálfstæðisflokkinn. Björn Valur þingmaður Vinstri grænna er eitt sterkasta vopn sem Sjálfstæðisflokkurinn á. Svo lengi sem Björn Vlur lætur í sér heyra eða skrifar pistla heldur hann áfram að skapa Sjálfstæðisflokknum fleiri og fleiri atkvæði.

Það er flott hjá Birni Vali að hamast á móti SSjálfstæðisflokknum. Reyndar finnst eflaust mörgum það svolítið undarlegt að Björn Calur skuli ræða umk klofning í öðrum stjórnmálaflokkum. Í hans eigin flokki hafa nú þegar þrír þingmenn yfirgefið VG. Hjá Sjálfstæðisflokknum eru að sjálfsögðu skiptar skoðanir um ýmis málefni og menn, en hlutirnir eru afgreiddir á lýðræðislegan hátt og menn una niðurstöðinni.

En fyrir alla muni haltu áfram á sömu braut Björn Valur. Þú er einhver besti atkvæðaveiðari sem Sjálfstæðisflokkurinn á.

Stefnulaus og þverklofinn

"Vinir" okkar vilja beita okkur þvingunum ef við erum ekki sambvinnuþýð.

Það er með ólíkindum að það skuli vera til heill stjórnmálaflokkur á Íslandi sem hefur það eina markmið að koma okkur í ESB. Samfylkingin er með ESB á heilanum og segir okkur að öll mál lagist ef við föllumst á að ganga í klúbbinn.

Í fréttinnni hér á mbl kemur það alveg skýrt fram hvernig margar þjóðir innan ESB líta á sjávarútvegsmálin. Ef Ísland er ekki amvinnuþýtt í fiskveiðimálum er kallað eftir að við verðum beitt viðksiptaþvingunum.Sem sagt hinir háu herrar í Brussel eiga að ráða hvernig við höfum okkar fiskveiðar.

Erflaust mun Össur og félagar halda áfram að gera allt sem mögulegt er til að koma okkar málum undir stjórn hinna háu herra í Brussel.

Rætt um viðskiptaþvinganir gegn Íslandi

Allir skráðir í þjóðkirjuna eiga að hafa atkvæðisrét í biskupskjöri.

Furðulegt að aðeins þröngur hópur þjóðkirkjunnar velur biskup. Allir kosningabærir menn fá að velja forseta Íslands. Hvers vegna á eitthvað annað að gilda í þjóðkirkjunni. Auðvitað ættu allir sem skráðir eru í þjóðkirkjuna að vera á kjörskrá þega kemur að biskupskosningu. Biskup er yfirmaður og leiðtogi kirkjunnar. Það er því rétt og eðlilegt að hver og einn sem hefur tekið þá ákvörðun að tilheyra þjóðkirkjunni geti haft áhrif á val forystumannsins.

Fleiri fái að kjósa biskupinn

Það er tekið mark á Bjarna og Hönnu Birnu en ekki Merði Árnasyni. Á því er mikill munur.

Mörður Árnason og fleiri vinstri menn virðast aðallega hafa áhyggjur af því hvernig mál þróast já Sjálfstæðisflokknum. Það er að sjálfsögðu eðlilegt þar sem Mörður og félagar gera sér grein fyrir að Sjálfstæðisflokkurinn er óðum að ná sínum fyrri styrk. Sjálfstæðisflokkurinn hefur sýnt mjög ábyrga stjórnarandstöðu og mun á næsta landsfundi sínum koma með mótaðar tillögur um framtíðarlausn í landsmálum svo og í sínba innra starfi.

Það er flott fyrir landsfundarfulltrúa að hafa um næstu helgi val milli tveggja glæsilegra frambjóðenda hvor njóti meira trausts til að leiða flokkinn.Reyndar er Merði Árnasyni vorkunn. Hann er í þeirri leiðinlegu stöðu að enginn tekur mark á honum.Þess vegna reynirn hann að vera með alls konar upphlaup og stór orð til að ná athygli. Þetta er svona svipuð pólitík og Björn Valur VG stundar.

Allur almenningur hefur andstyggð á svona framkomu. Hróp Marðar og Björns Vals er stór þáttur í virðingarleysinu gagnvart Alþingi.

 

 

 

 

„Herra Ekkert berst við frú Ekkert“

Lyklar eða lyklakippa?

Ég las í dag athyglisverðan pistil í Morgunblaðinu eftir Hönnu Birnu. Það er virkilega gott að fá viðhorf til ýmissa mála. Hanna Birna fjallar þar t.d. um þá stefnu að fólki geti skilað lyklum sínum af skuldsettri íbúð. Auðvitað getur það verið lausnb fyrir einhverja,en er það ekki ansi slæmt fyrir fólk sem keypti sér húsnæði í góðri trú að þurfa að ganga frá sínu og eiga ekkert. Það varð algjör forsendubrestur og lánin ruku upp án þess  að launin hækkuðu í samræmi.

Hanna Birna bendir  á að á sama tíma séu einstaklingar í þjóðfélaginu að fá afskrifað hundruði milljóna eða milljarða. Það er auðvelt að skila einum lykli af kippunni haldi maður öllum öðrum eftir.

Hvaða glóra er í því að menn haldi eftir arði af hlutabréfum, en sleppi við að borga skuldina vegna hlutabréfakaupanna.

Auðvitað þarf Sjálfstæðisflokkurinn að ná áttum og verja hagsmuni hins almenna launamanns. Það er Hanna Birna að boða nái hún kjöri sem formaður.

Einmitt af Þessari ástæðu líst mér vel á að hún taki við sem formaður Sjálfstæðisflokksins.

Svört hagspá fyrir ESB.Ætlar Samfylkingin að halda áfram með ESB vitleysuna?

Samdráttarskeið blasir við í ríkjum ESB. Þrátt fyrir þessa staðreynd hamast Jóhanna og Össur við það að koma Íslandi í þetta bandalag. Breytir engu fyrir Samfylkinguna þótt allir aðrir sjái vitleysuna.Samfylkingin ætlar áfram að stinga hausnum í steininn eins og Vigdís Framsóknarþingmaður orðar það.

Ætla þingmenn Vinstri grænna virkilega að bera ábyrgð á því að við keyrum áfram á fullu aðlögunarferlið í ESB. Væri nú ekki ráð að hætta þessum skrípaleik og draga umsóknina til baka.

Svört hagspá fyrir ESB

Stefna Vinstri grænna er einföld. Nei, við öllum framförum.

Það verður þjóðinni dýrkeypt að sitja uppi með VG í ríkisstjórn. Vinstri grænir er algjör afturhaldsflokkur,sem leggst gegn allri atvinnuuppbyggingu í landinu. Að erlendum fjárfestum skuli detta í hug að koma til Íslands og byggja upp ferðaþjónustu er algjör glæpur í huga VG.

Ögmundur segist ekki koma auga á hvað hag ríkissjóður hefði af því að einhver Kínverji kleypti land og byggði upp hótel rekstur og ferðaþjónustu.

Það er einmitt málið að Vinstri grænir geta ekki skilið að það að skapa hér mörg hundruð störf og tekjur af erlendum ferðamönnum hafi einhverja þýðingu fyrir landið.

Stefna VG er eitt stórt NEI við allri uppbyggingu og framförum í landinu.

Hættulegt að lokast frá umheiminum

Allt að 1000 fjölskyldur í Reykjanesbæ þiggja mataraðstoð. Vinstri stjórnin kallar sig velferðarstjórn.

Ástandið hér á Suðurnesjum fer sífellt versnandi Það eru ömurlegar fréttir að það skuli vera allt að 1000 fjölskyldur í Rekjanesbæ,sem þiggja mataraðstoð. Það orðið hrikalegt ástand þegar fólk á ekki fyrir mat,hvað þá að geta leyft sér annað.

Auðvitað hlýtur það að fara að segja til sín að nánast ekkert gerist hér á Suðurnesjum til að efla atvinnulífið. Ástandið væri aldeilis allt annað ef framkvæmdir við álverið í Helguvík væru komnar á fullt skrið. Mörg önnur framfaramál hafa ekki náð að blómstra. Það er með ólíkindum að ríkisstjórn sem kennir sig við norræna velferð skuli horfa aðgerðarlaus á þetta ástand. 

Ég hef áður bent á það að þingmenn Samfylkingarinnar hér í Suðurkjördæmi eru í lykilstöðu til að hrinda málum áfram. Það heyrist ansi lítið frá Oddnýju, Björgvini og Róbert Marshall. Eini Samfylkingarþingmaðurinn, sem virðist hafa skilning og áhuga að eitthvað verði að gera hér á Suðurnesjum til að komqa atvinnulífinu í gang. Við það myndi atvinnulausum fækka og færri þurfa á mataraðstoð að halda.

Er ekki kominn tími til að þingmenn Samfylkingar í Suðurkjördæmi bretti upp ermar og geri eitthvað raunhæft til að bæta ástandið. Það gengur ekki að allt að 1000 heimili í Reykjanesbæ og fleiri í öðrum sveitarfélögum á suðurnesjum neyðist til að þiggja mataraðstoð.

Mikil neyð í Reykjanesbæ