Halda þeir að almenningur séu algjörir fábjánar?

Svei mér þá,það er eins og Ólafur Ólafsson og fleiri svokallaðir auðmenn og útrásarvíkingar haldi að að á  Íslandi sé almenningur auðtrúa..Hvernig ætla þessir "höfðingjar" að halda því fram að allt sé í sómanum í þeirra viðskiptaháttum.  Ef þessir háu herrar eins og Ólafur hefðu farið aðlögum og stundað eðlilega viðskiptahætti væri íslenska þjóðin ekki í eins djúpum skít og raun ber vitni.Það er búið að upplýsa almenning um leikfléttuna og sýndarviðskiptin.

Hvers vegna hafa allir þessir útrásar gæjar flúið land ef allt er í sómanum og þeir eru með allt sitt á hreinu?

Heldur Ólafur Ólafsson virkilega að einhver trúi honum.

„Braut engin lög“

Er upprisa Davíðs framundan í Sjálfstæðisflokknum?

Nú styttist í landsfund Sjálfstæðisflokksins. Á fundinum verður kosinn nýr varaformaður og einnig verður kosið í embætti formanns,en eins og allir vita gegnir Bjarni Benediksttson því embætti nú.

Ýmsir koma nú fram með kenningar um að Davíð Oddsson hafi í huga að bjóða sig fram í  formannsembættið. Nokkuð vist er að hann fengi verulegt fylgi tæki hann þá ákvörðun. Einhvern veginn finnst mér nú samt frekar ótrúlegt að Davíð hafi þetta í huga.

Reyndar eru margir sem halda því fram að Bjarni sé allt of innviklaður í margt sem ekki var nógu gott í allri vitleysunni og það geti orðið honum erfitt til að gegna forystuhlutverkinu. Sjálfstæðisflokkurinn á í verulegum vanda eins og allir af gömlu flokkunum. Ætli Sjálfstæðisflokkurinn að gera sér vonir um að endurheimta sitt traust meðal kjósenda verður flokkurinn að taka á ymsum málum.

Ég sé t.d. ekki hvernig Guðlaugur Þór ætlar sér að sitja áfram. Guðlaugur Þór er mjög öflugur og mér finnst gaman að hlusta á hann. En almenningur getur ekki sætt sig við að sá sem þáði hæstu styrkina og það frá útrásarliðinu sitji áfram eins og ekkert sé.

Vel má því vera að tími upprisu Davíðs í formannsembættið sé runnið upp. Það myndi allavega fylgja honum hressileiki.

Enn einn Hafnarfjarðarbrandarinn.

Fyrir fjórum árum settist Lúðví Geirsson í 6 sætið og þar með baráttusæti Samfylkingar í Hafnarfirði og kosningarnarv snérust um hann sem bæjarstjóra. Lúðvík og félagar unnu stórsigur og enginn efaðist um að Lúðvík ætti að vera bæjarstjóri.

Reyndar eru dæmi um að frambjóðandi allavega í einu sveitarfélagi sem ég þekki hafi stillt sér upp sem bæjarstjóraefni og sigrað en tekið svo ákvörðun á miðju tímabili að hverfa til annars starf. Spurning hvað hversu þetta er heiðarlegt gagnvart kjósendum, en það er nú önnur saga.

Áfram með Hafnarfjörð. Nú gerir Lúðvík það sama sest í baráttusætið og kosningarnar snúast um það hvort Samfylkingin verður í meirihluta og hann áfram bæjarstjóri.

Kjósendur hafna Samfylkingunni og þar með bæjarstjóranum. Það merkilega gerist að þrátt fyrir það hunsar Samfylkingin dóm kjósenda og Lúðvík er áfram bæjarstjóri.Mér fannst þetta á sínum tíma mjög heiðarlegt hjá Lúðvík að setjast í baráttusætið og gefa Hafnfirðingum þar með skýr skilaboð.En nú get ég ekki sagt að mér finnist það heiðarlegt að láta kosningarnar snúastum það sama og áður,en niðurstaðan breytir hreint engu.

Reyndar er þetta eftir öðru hjá Samfylkingunni.

Skjaldborgin? Um 22 þúsund á vanskilaskrá og fimmfalt fleiri nauðungaruppboð.

Hvað ætli ráðherrar hinnar tæru Vinstri stjórnar sem kallar sig velferðarstjórn hugsi þegar þeir sjá þessar tölu. Sífellt fjölgar á vanskilaskrá. Framundan er hrina nauðunaruppboða. Allt tal um að slá skjaldborg um heimili landsins eru bara orðin tóm.

Þolinmæði almennings er mikil en varla geta stjórnvöld búist við að það vari til eilífðar. Það er með ólíkindum að Alþingi séað dunda í því að ræða stjórnlagaþing þegar ástandið er svona. Embættismenn eru uppteknir í alls konar pappírsvinnu vegna umsóknar í ESB.

Þetta ástand getur ekki gengið lengur. Og svo eru alþingismenn að fara í frí.

Um 22 þúsund á vanskilaskrá

Jóhanna verkstjóri grátklökk. Davíð er svo vondur við mig.

Skelfing var Jóhanna Sigurðardóttir,forsætisráðherra,eitthvað aumkunarverð í Kastljósþættinum þegar hún var að reyna að hvítþvo sig vegna launamála Seðlabankastjóra.

Nú reynir Jóhanna helst að draga upp þá mynd sér til varnar að Davíð Oddsson ritstjóri Moggans leggi sig í einelti og sé svo hrikalega vondur við sig.

Í öðru lagi eru helst rök Jóhönnu að hún viti ekkert hvað starfsfólk í ráðuneytinu hafi verið að gera varðandi launamál Seðlabankastjóra. Bíðum nú aðeins. Er ekki Jóhanna forsætisráðherra og því ábyrg fyrir því hvað undirmenn hennar gera. Voru ekki ein helstu rökin fyrir því að Samfylkingin lagði áherslu á Jóhönnu í brúna að hún væri svo rosalega góður verkstjóri.

Að sjá og heyra forsætisráðherra lýsa því yfir að hún bæri enga ábyrgð á því hvað undirmenn hennar aðhafast er ekki sæmandi Jóhönnu. Það þýðir ekki lengur fyrir Jóhönnu að ætla að kenna Davíð Oddssyni um klúðrið. Það er hún sjálf sem á að axla ábyrgð á hringavitleysunni. Það hefur nú þegar verið upplýst að embættismenn voru á kafi við að finna leiðir til að fara fram hjá Kjararáði. Hafa menn virkilega trú á því að Jóhanna hafi ekkert vitað?

Það nýjasta er að væntanlega hefur Seðlabankinn enn ekki farið eftir Kjararáði og Seðlabankastjóri því á allt öðrum kjörum en Kjararáð ákvað.

Til hvers var Jóhanna að leggja áherslu á að engin mætti fá hærri laun en hún ef ekkert er farið eftir því. Ekki getur það nú verið Davíð eða Morgunblaðinu að kenna.

Hvort á að hafa forgang stjórnlagaþing eða atvinna og lausn á vanda heimla?

Alveg er það hreint með ólíkindum forgangsröðin á Alþingi. Nú skal ræða stjórnlagaþing fram og aftur. Eflaust hið þarfasta mál,en væri nú ekki nær fyrir Alþingismenn að nta þessa síðustu daga fyrir sumarfrí til að vinna að því að koma atvinnulífinu í gang. Gera þingmenn sér grein fyrir hversu margir eru atvinnulausir? Væri nú ekki nær fyrir þingmenn til að vinna saman í því að finna lausn fyrir vanda heimilanna. Vita þingmenn að 40% allra heimila í landinu eru í verulegum vandræðum.

Á meðan ástandið er svona er þá yfir höfuð nokkur glóra í því að þingmenn fari í langt sumarfrí.Það er kominn tími til að hin tæra Vinstri stjórn,sem kallar sig velferðarstjórn sýni almenningi þá virðingu að taka á málum sem snerta okkur beint.

Almenningur hrópar á atvinnuuppbyggingu og raunhæfar lausnir til hjálpar heimilum.

Eina sem heyrist er að hækka skatta og að opinberir starfsmenn eigi ekki að fá neinar launahækkanir í nokkur ár. Lítið sem ekkert gerist í að koma atvinnulífinu í gang til að draga úr atvinnuleysi og auka tekjur ríkisins.

Á meðan setur Jóhanna stjórnlagaþing í forgang.

Hátt í 20 enn á mælendaskrá

Jæja Jóhanna verkstjóri Vinstri stjórnar, hvað nú? Það eina í stöðunni er afsögn.

Þá er það upplýst að Jóhanna Sigurðardóttir,forsætisráðherra,átti í beinum tölvupóstsamskiptum við Má Guðmundsson um væntanleg lauankjör Seðlabankastjóra.

Eftirað þessi staðreynd blasir við er aðeins eitt í stöðunni. Jóhanna Sigurðardóttir hlýtur nú eftir helgina að segja af sér. Það getur ekki gengið að forssætisráðherra landsins segi Alþingi Íslands óasatt.

Nú reynir á Samfylkinguna sjái Jóhanna það ekki sjálf að hún verður að víkja. 

 

Már og Jóhanna ræddu launin

Samfylkingin hugsar vel um sína velgjörðarmenn.

Já, það er eins og marga hefur grunað. Allt verður reynt til að tryggja að Baugsfeðgar fái að halda sem mestu af sínum fyrirtækjum. Samfylkingin ætlar ekki að bregðast sínu velgjörðarfólki.

Skítt með þennan almennimng. Það þarf ekkert að gera fyrir heimilin í landinu. Þau geta átt sig aðalatriðið er að bjarga Baugsveldinu.

Skráningu Haga frestað til hausts

Ísbjörn og Samfylkingin í Húsdýragarðinn.

Það eina sem virðist hafa verið samið um milli Besta flokksins og Samfylkingarinnar fyrir utan valdastólana er að ísbjörn kemur í Húsdýragarðinn.

Spurning hvort það gæti ekki verið sniðugt og aukið ánægju Reykvíkinga ef bás yrði settur við hliðina hjá ísbirninum þar sem borgarfulltrúar Samfylkingarinnar væru til sýnis um helgar.

Dagur tekur sig útrúlega vel út í hlutverki trúðsins með Jóni Gnarr.

Allt á að vera svo skemmtilegt á kjörtímabilinu, þannig að bá Samfylkingarinnar á eftir að veita borgarbúum mikla skemmtun.

Danir rifja upp myndband með Jóni

Sáuð þið Jón Gnarr í Kastljósinu?

Jón Gnarr og Dagur B.Eggertsson voru gestir Kastljóssins í kvöld. Ef þið hafið ekki séð þáttinn ættuð þið endilega að kíkja á hann. Eftir að hafa fykgst með þættinum hugsar maður,er þessi maður að verða borgarstjóri Reykjavíkur.

Þórhallur í kastljósinu spurði nokkuð grimmt og þvílík svör. Auðvitað kom það fram að það eina sem sagt var frá á blaðamannafundinum var hver skipar embætti borgarstjóra og hver verður formaður  Borgarráðs. Málefni og stefna,hvað er nú það?

Þegar Jón Gnarr var spurður hvers vegna hann hefði ekki rætt við aðra og hvers vegna orð hans um að það væri óþarfi að hafa meirihluta og minnihluta voru svör hans algjör steypa.

Allt þetta í kringum Jón Gnarr minnir óneitanlega á það þegar hluti þjóðarinnar féll fyrir ruglinu í Sylvíu Nótt.

En ansi stór hluti kjósenda valdi Besta flokkinn til að stjórna Reykjavík næstu fjögur árin og Samfylkingin gerir það að veruleika.

Byrjunin á þessu öllu er eins og einn stór skrípaleikur. Horfið endilega á Kastljósið. Að svona nokkuð skuli geta gerst í höfuðborg landsins.