Útrásarvíkingar kaupa krónur á afslætti.

Þeir áttu þá peninga eftir allt saman hinir svokölluðu útrásarvíkingar. Búið er að afskrifa tugi milljarða hjá þessum köppum. Nú birtast útrásarvíkingarnir brosandi út að eyrum með fullar töskur af erlendum peningum. Labba sig uppí Seðlabanka og kaupa þar íslenskar krónur með afslætti fyrir gjaldeyrinn. Síðan fara gæjarnbir og fjárfesta í íslenskum fyrirtækjum. Meira að segja kaupa Bakkabræður stóran hluta af sínbu gamla fyrirtæki af lífeyrissjóðunum,en þeir hafa einmitt þurft að afskrifa skuldir bræðranna.

Er þetta nýja Ísland?

Karl Wernersson kemur með gjaldeyri heim

Norræna velferð vinstri stjórnarinnar er fyrir einn forstjóra.

Jóhanna hefur mikið talað um sína norrænu velferðarstjórn fyrir fólkið í landinu. Gallinn við þessar yfirllýsingar og fullyrðingar Jóhönnu er að þeir eru ansi fáir sem orðið hafa varir við norrænu velferðina. Jóhanna hefur lagt áherslu á að vinstri stjórnin hafi unnið að því að auka jöfnuð í landinu.

Nú hefur Guðbjartur velferðarráðherra framkvæmt norrænu velferðina. Hún tók gildi fyrir forstjóra Landspítalans. Hækkun mánaðarlauna um 450 þúsund þ.e. í 2.300 þús. á mánuði.

Þetta er hin norræna velferð í verki og aðferðin til að jafna kjörin í landinu.

Lítið mun þýða fyrir verkamann eða iðnaðarmann að segja að hægt sé að fá betri kjör í Noregi eða Svíþjóð. Það gildir bara fyrir þann opinbera starfsmann,sem var hæst launaður og er nú hækkaður enn meira.
Þetta er norræna velferð hinnar tæru vinstri stjórnar.

Hanna Birna í forystusveit Sjálfstæðisflokksins.

Hún er ansi mikil blóðtakan úr forystuliði Sjálfstæðisflokksins þessa vikuna. Tvær konur yfirgefa forystusveitina. Ragnheiði Elínu ýtt til hliðar af bjarna formnanni og Ólöf Nordal hættir af persónulegum ástæðum. Ragnheiður og Ólöf hafa verið mjög öflugir forystumenn fyrir Sjálfstæðisflokkinn. það er mikil eftirsjá af þeim. Nú er nauðsynlegt að Sjálfstæðismenn horfi til framtíðar og styrki forystusveitina. Það þarf strax að vinna að því að Hanna Birna fyrrum borgarstjóri gefi kost á sér í forystusveit flokksins. Hanna Birna nýtur mikils trausts meðal þjóðarinnar. Hún hefur sýnt að hún á það skilið. Sjálfstæðismenn um allt land verða að skora á hana að gefa kost á sér til forystu fyrir flokkinn.

Kveður þingið í vor

Að bóka eða bóka ekki.

Stjórnmálamenn deila um æði margt. Oft fer umræðan á stig,sem er langt í frá að vera málefnaleg. Þras og aftur þras án nokkurrar niðurstöðu. En hvernig í óskupunum geta ráðherrar í hinni tæru vinstri ríkisstjórn rifist um það opinberlega hvort mál hafi verið bókað eða ekki bókað á ríkisstjórnarfundi. Ögmundur segist hafa bókað fyrivara gagnvart ESB. Össur segir það af og frá. Það er ekki hægt að bjóða þjóðinni upp á þetta. Jóhanna sem segist vilja hafa hafa allt uppi á borði og engan feluleik. Sumir efast um þetta. Nú fær Jóhanna tækifæri til að höggva á hnútinn. Annar þeirra tveggja Ögmundur og Össur segir satt,hinn er að ljúga. Jóhanna sem forsætisráðherra hlýtur að segja þjóðinni hvað er rétt og hvað er rangt í fullyrðingum ráðherranna.

Ráðherrar fá sendar fundargerðir

Hvers vegna Bjarni?

Satt best að segja varð ég ansi undrandi að heyra fréttina um að Ragnheiður Elín hefði verið sett af sem formaður þingflokks Sjálfstæðisflokksins. Ég og örugglega margir Sjálfstæðismenn hafa staðið í þeirri trú að Ragnheiður Elín hafi staðið sig mjög vel í embættinu. Hvers vegna í óskupunum að láta forystumann Sjálfstæðismanna í Suðurkjördæmi hverfa úr þesari áhrifastöðu. Illugi Gunnarsson er einn af öflugustu talsmönnum flokksins,þannig að ekki verið að deila á einn eða neinn hátt á hann. Það er alveg klárt að Illugi verður einn af ráðherrum Sjálfstæðisflokksins eftir næstu kosningar. Það var ekki nokkur ástæða til þess að breyta á þessum tíma um forystu þigflokksins. Í öllum skoðunakönnunum hefur Sjálfstæðisflokkurinn mælst geysilega sterkur í Suðurkjördæmi. Kjördæmioð hefur verið helsta vígi flokksins. Það er því fáránlegt að svipta Ragnheiði Elínu þessu ábyrgðarmikla starfi að vera þingflokksformaður. Langt í frá að vera sterkur leikur hjá Bjarna formanni.

Illugi aftur þingflokksformaður

Bjargar Katrín vitleysu Oddnýjar?

Eitt það fáránlegasta sem Oddný G.Harðardóttir boðaði sem fjármálaráðherra var að setja ætti topp virðisaukaskatt á gistiþjónustuaðila. Með þessu myndi öll gisting hækka um 17-18%. Ferðaþjónustan hefur verið á uppleið og því fáránlegt að ætla að ráðast á hana með þessum skattahækkunum. Ferðaþjónustuaðilar hafa varað mjög við afleiðingum verði þetta að raunveruleika. Oddný hefur hingað til svarað fullum hálsi og sagt að hætta þurfi að ríkisstyrkja þessa atvinnugrein,hvernig svo sem hún getur fundið það út.
Nú er Oddný að láta af störfum fjármálaráðherra 1.október n.k. Við tekur Katrín Júlíusdóttir og binda margir vonir við að hennar hugsunargangur sé allt annar varðandi þessi mál. Það getur hreinlega ekki verið miðað við það sem Katrín hefur áður sagt að hún ætli sér að eyðileggja uppbyggingu ferðaþjónustunnar hér á landi.

Hækkun gerir hótel órekstrarhæf

Forval,uppstilling,opið, lokað prófkjör eða uppstilling.

Nú styttist óðum í Alþingiskosningar.Samkvæmt væntingavístölu eykst bjartsýni landsmanna með hverjum mánuðinum sem styttist í kosningar.Flesir hlakka til þess tíma þegar vinstri stjórninni verður gefið langt frí. Stjórnmálaflokkarnir eru nú á fullu að ræða hvaða fyrirkomkulag eigi að gilda við val á framboðslista.

Ég vænti þess að kjördæmisráð Sjálfstæðisflokksins í hverju kjördæmi gefi öllum flokksbundnum félögum tækifæri til að velja á framboðslistann. Hjá Sjálfstæðisflokknum er til mjög áreiðanlegt félagatal. Auðvitað þarf að senda hverjum og einum félaga á rafrænan hátt prófkjörlista,þannig að hægt sé að velja frambjóðendur.

Ætli Sjálfstæðisflokkurinn sér að ná góðum árangri í næstu kosningum verður að virkja alla flokksbundna meðlimi til að velja framboðslistana. Ætli núverandi þingmenn að leita eftir endurkjöri verða þeir að ganga í gegnum slíkt ferli. Flokksmenn, sem hugsa sér að reyna að ná ofarlega á framboðslista verða að fá tækifæri til þess.

Grasrótin í Sjálfstæðisflokknum mun rísa upp ætli menn sér að fámennur hópur raði á framboðslistana. 

Fimm leiðir færar fyrir framsóknarmenn

Hvers vegna aðrar reglur hjá ráðherrum?

Opinberir starfsmenn þurfa að láta af störfum þegar þeir ná 70 ára aldri. Það eru alveg hreinar línur þar um. Hvers vegna gilda ekki nákvæmlega sömu reglur þegar í hlut eiga þingmenn eða ráðherrar. Það er athyglisvert að fylgjast með umræðunni og vangaveltunum um það hvort Jóhanna Sigurðardóttir ætli áfram að gefa kost á sér til þingmennsku,formennsku og væntanlega til að gegna ráðherrastarfi. Jóhanna verður 70 ára nú í október n.k. Það ætti því að vera sjálfsagður hlutur,sem ekki þarf að ræða neitt frekar að Jóhanna hætti við 70 ára aldur eins og öðrum opinberum starfsmönnum ber skylda til. Eða hvað?

Villikettir stoltir að vera villikettir.

Jóhanna Sigurðardóttir kallaði á sínum tíma þá þingmenn VG, sem voru alveg tilbúnir að krjúpa fyrir sér villiketti.Í morgun var Jón Bjarnason fyrrum ráðherra og einn af villiköttunum í spjalli í þættinum Í bbítið á Bylgjunni. Spurður út í villikattatalið svaraði Jón að villikettir væru stoltir að vera villikettir.

Athyglisvert var að heyra Jón tala um formann sinn Steingrím J. hann líkti vinnubrögðum Steingríms J. við einræðisherra. Frekja og yfirgangur Steingríms J. væri þannig. Er nema von að þessi flokkur sé gjörsamlega búinn að missa allt traust kjósenda.

 

Sýndarveruleiki Jóhönnu.

Umræðurnar hjá æðsta ráði Samfylkingarinnar um síðustu helgi hljóta að hafa verið á einhverri ímyndaðri rás,sem engvir skilja nema þessir örfáu Samfylkingarmenn,sem þar sátu. Væntanlega hafa allir fundarmenn setið með sérstök heyrnartæki og þrívíddargleraugu til að geta séð og heyrt boðskap Jóhönnu um hina miklu uppbyggingu sem verið hefur hjá vinstri stjórn hennar.

Jóhanna sagði að kjósendur geti valið um það í næstu kosningum hvort þeir vildji áfram uppbyggingu vinstri stjórnarinnar eða afturhvarf Sjálfstæðisflokksins. Jóhanna hlýtur að lifa í alveg einstökum sýndarheimi að geta talað um uppbyggingu vinstri stjórnarinnar. Ansi lítið hefur gerst á þeim rúmum þremur árum sem Jóhanna og Steingrímur J. hafa stýrt þjóðarskútunni til uppbyggingar atvinnulífsins.Heldur Jóhanna virkilega að hún geti fengið kjósendur til að trúa sinni sýn. Sem betur fer eru almennir kjosendur ekki með útvarp Jóhönnu í eyranu eða þrívíddargleraugu Hrannars aðstoðarmanns,eins og fundaklíka Samfylkingarinnar. Almennir kjósendur sjá því og heyra hlutina eins og þeir eru.Jóhanna getur því huggað sig við að eiga rólega daga næsta kjörtímabil.